10:12 12 Бештин айы 2017
Түз эфир
Ата Мекен фракциясынын лидери Өмүрбек Текебаевдин Базар-Коргондогу тарапташтары Акман айылында митингге чыкты

Базар-Коргондогу Текебаевдин жактоочулары митингге чыгып, экинчи боз үйдү тигишти

© Фото / Талгат Бакиев
Окуялар
Кыскача шилтеме алуу
81010

Текебаевдин 100гө жакын тарапташтары чогулуп, эл өкүлүн бошотууну талап кылышууда.

БИШКЕК, 4-мар. — Sputnik. "Ата Мекен" фракциясынын лидери Өмүрбек Текебаевдин Базар-Коргондогу тарапташтары Акман айылында митингге чыгып, экинчи боз үйдү бүгүн эртең менен тигишти. Бул тууралуу аймактык кабарчы жеринен билдирди.

Анын айтымында, Акман айылында Текебаевдин 100гө жакын тарапташтары чогулган жана коомдук тартипке 20дай милиция кызматкери көз салууда. Мындан 2-3 күн мурда дагы бир боз үй тигилген.

"Алар Текебаевди камактан бошотууну талап кылып, ага тагылган айыптар негизсиз экенин айтышууда", — деди кабарчы.

Эл өкүлүнүн кичи мекени болгон Акман айылында буга чейин да нааразычылык акциясы өткөн.

Белгилей кетсек, Текебаев "коррупция" беренеси боюнча айыпталып, Бишкек шаарынын Биринчи Май райондук сотунун чечими менен 25-апрелге чейин камакка алынган.

Эл өкүлү 2010-жылы убактылуу өкмөттүн төрага орун басары болуп турганда Россиядагы телекоммуникациялык компанияларынын ээси Леонид Маевскийге MegaCom компаниясынын акциясын алууга жардам берем деп бир миллион доллар алган деп айыпталууда. Башкы прокуратура Кылмыш жаза кодексинин "коррупция" жана "алдамчылык" беренелери боюнча кылмыш ишин козгосо, тергөө иштерин УКМК жүргүзүүдө.

Тема боюнча

Леонид Маевский Текебаев менен кандайча жолукканын айтып берди
УКМК абагында жаткан Текебаевдин бөлмөсүндө бардык шарттар бар
УКМК: Текебаевди тинтүү аракеттери болгон эмес
Абдил Сегизбаев: Текебаевге колдон келишинче аяр мамиле кылып жатабыз
Белгилер:
митинг, Өмүрбек Текебаев, Базар-Коргон
Колдонуу эрежелериПикирлер

ЭҢ МААНИЛҮҮ