БИШКЕК, 19-фев. — Sputnik. Төө-Ашууда кар көчкү жүрүп Бишкек — Ош унаа жолу жабылганын 112 куткаруу кызматынан кабарлады.
Түзүлгөн кырдаалга байланыштуу Сосновка айылында жана Ала-Бел ашуусунда каттамдар чектелген.
"Учурда кар көчкү түшкөн жерди тазалоо иштери жүрүп жатат. Мындан улам жол эртең менен жабылган. Анын кечке жуук ачылышы күтүлүүдө", — деп айтылат маалыматта.
19 Бирдин айы 2017, 11:04
Ошондой эле каттамдар чектелген аймакта унаалар калып калганы айтылды.
Мындан сырткары, Жалал-Абад облусунун Тогуз-Торо районунда Казарман — Акталчат унаа жолунун 44-45-чакырымында саат таңкы 05:00 — 06:00 чамасында кар көчкү түшүп, ал унаа жолго жеткен эмес. Карды тазалоо иштери жүрүп жаткандыктан жол убактылуу жабылгандыгын ӨКМдин маалымат кызматынан билдиришти.
