БИШКЕК, 9-фев. — Sputnik. Кытайдын жараны шылуунчулукка шектелип кармалганын Бишкек ШИИБ билдирди.
Милицияга шаардын 27 жаштагы тургуну кайрылып, өткөн жылдын август айында Кытай жараны карызга 11 миң 500 доллар алганын, ушу күнгө чейин акчасын кайтарып бере электигин айткан.
Севрдлов районунун ИИБи кылмышка шектүү катары Чүй облусунда жашаган кытайлык жаранды колго түшүрдү. Учурда ал убактылуу кармоочу жайга киргизилип, тергөө иштери башталды.
