Саратовдогу жол кырсыктын себеби. Фуранын айдоочусу уктап кетиши ыктымал

© Sputnik / Илья Питалев / Медиабанкка өтүүЖүк ташуучу унаалар. Архив
Жүк ташуучу унаалар. Архив - Sputnik Кыргызстан
Жазылуу
Кырсыкка себепкер делген фуранын айдоочусу унаа айдап бара жатып уктап кетиши ыктымал деп божомолдонууда.

БИШКЕК, 15-янв.— Sputnik. Саратов облусунун Петровский районунда Toyota үлгүсүндөгү унаа менен кагышкан фуранын айдоочусу рулда бара жатып уктап кетиши ыктымал деп божомолдонууда. Бул тууралуу РИА Новости аталган райондун башчысы Денис Фадеевге шилтеме берүү менен жазып чыкты.

Бишкек шаарынын борбордук көчөсүндө ири жол кырсыгы - Sputnik Кыргызстан
Бишкекте ири жол кырсыгы катталып 1 аял ажал тапты
Буга чейин Петровский районунун Нижний Новгород-Саратов автотрассасында Тарумовка айылынын тушунда жол кырсыгы катталгандыгы тууралуу маалымдалган. Анда тоок этин жүктөп Пензадан Саратовго бара жаткан фура карама-каршы келе жаткан Toyota үлгүсүндөгү унаа менен кагышканда эки унаа тең жолдон чыгып кетип, жыйынтыгында жети адам каза болгон. 

Андан соң каза болгон адамдар Россияга ишке орношууга бара жаткан кыргыз жарандары экендиги тууралуу маалымат тараган.

Петровский району боюнча ИИМдин тергөө бөлүмү тарабынан 33 жаштагы фуранын айдоочусуна Россиянын Кылмыш жаза кодексинин 264-беренесинин 5-бөлүмү боюнча (жол эрежесин сактабоо) кылмыш иши козголуп, айдоочу кармалган. 

"Айрым маалыматтар боюнча жүк ташуучу унаанын айдоочусу рулда уктап кетиши ыктымал деп божомолдонууда. Кырсыктын себептери боюнча так маалымат азыр териштирилип жатат", — деди Фадеев.

Анын айтымында, кырсык катталган учурда трасса тайгак эмес болчу.

"Федералдык трасса, нормага ылайык, тазаланып турган", — деп белгиледи Фадеев.

На автодороге Бишкек - Ош перевернулся бензовоз - Sputnik Кыргызстан
Өмүрдү алган жүк ташуучу унаалар. Фуралар себепкер болгон жол кырсыктары
Фадеевдин айтымында учурда жол мурункудай эле иштеп жатат. Мындан сырткары ал Саратов облусунун Петровский районунун жетекчилиги жана облус жетекчисинин буйругу менен облустук Жол коопсуздук инспекциясынын жетекчиси жана облустук өкмөттүн жетекчисинин орун басары унаа кырсыгы катталган жерге барганын кошумчалады.

Sputnik Кыргызстан агенттигине Саратов облусунун Тергөө башкармалыгынын жетекчисинин башкы жардамчысы билдиргендей, эгер кармалган адамдын күнөөсү далилденсе ал жети жылга эркинен ажыратылышы ыктымал.

Ошондой эле ал айдоочуга кандай чара көрүлөөрү эки күндөн кийин белгилүү болоорун кошумчалады. Учурда тергөө иш чаралары жүрүп жатат.

Жаңылыктар түрмөгү
0