22:22 25 Бирдин айы 2017
Түз эфир
Кол кишен жана акча. Архив

Социалдык фонддун жалган кызматкери кармалды

© Sputnik / Табылды Кадырбеков
Окуялар
Кыскача шилтеме алуу
12801

Укук коргоо органдарына Света аттуу кыз кары адамдардын үйүнө өзүн Социалдык фонддун кызматкери катары тааныштырып келип жүргөнү тууралуу маалымдалган.

БИШКЕК, 13-янв. — Sputnik. Кары адамдардын батирине уурулукка кирүүгө шектелген кыз кармалганы тууралуу Бишкек шаардык ИИБдин маалымат кызматынан кабарлашты.

Задержанная подозреваемая в причастности к кражам в квартирах пожилых людей
© Фото \ пресс-служба ГУВД Бишкека
Кары адамдардын батирине уурулукка кирүүгө шектелгип кармалган кыз

Буга чейин укук коргоо органдарына Света аттуу кыз кары адамдардын үйүнө Социалдык фонддун кызматкери катары келип, алардын кан басымын текшерип кетип жаткандыгы тууралуу маалымат түшкөн.

"Кары адамдардын көңүлү толугу менен бул кызга бөлүнгөндөн кийин анын пикирлештери батирдин ичине кирип келип, акча менен баалуу буюмдарды тоношкон", — деп айтылат маалыматта. 

Ыкчам тергөө иштеринин натыйжасында кылмышка шектелип 22 жаштагы С.К. аттуу кыз кармалган. Ал мындай кылмыштарды буга чейин Бишкек шаары менен Чүй облустарында жасап жүрүшү мүмкүн экени айтылат. Кармалган кыз убактылуу кармоочу жайга киргизилген. 

Бишкек шаардык Кайгуул милициясынын Кылмыш иликтөө башкармалыгы кармалган кыздан жабыр тарткан адамдар болсо 0778 75-00-05, 0709 42-01-19, 0552 10-28-89 байланыш номурларына кайрылууга чакырат.

Тема боюнча

Жалал-Абадда таң атпай таксистти коркутуп унаасын айдап кеткен жаран кармалды
Белгилер:
кары-картаң, уурулук, кылмыш, Социалдык фонд

ЭҢ МААНИЛҮҮ