БИШКЕК, 29-дек. — Sputnik. Ош шаардык салык кызматынын адиси пара алып жаткан жеринен кармалды. Бул тууралуу Башкы прокуратуранын маалымат кызматы билдирди.
Ага ылайык, Ош шаарынын тургуну салык кызматкери андан Россиядан алып келген унаасынынын салык маселесин чечип берүү үчүн 15 миң 500 сом сурап жаткандыгын айткан.
"Арыз түшкөн күнү эле дароо прокуратуранын кызматкерлери Ош шаардык салык кызматынын адисин кармаган. Аны тинтүү учурунда атайын белгилер коюлган 9 миң сом табылган", — деп жазылат маалыматта.
Учурда аталган факты боюнча Кылмыш жаза кодексинин 313-беренеси (Пара алуу) боюнча кылмыш иши козголду.