БИШКЕК, 23-дек. — Sputnik. Бишкек — Ош жолунун 224-чакырымында кар көчкү жүргөнүн Транспорт жана жол министрлигинин маалымат кызматынан билдиришти.
Маалыматка караганда, узундугу 300, бийиктиги 3-4, туурасы 14 метрге жеткен көчкү бүгүн саат тогуз жарымда Ала-Бел ашуусунан түшө берген жерди жаап калган.
"Көчкү маалында кар Mersedes-Giant унаасын сүрүп, жолдун жээгине чыгарып салган. Бактыга жараша жүргүнчүлөрү жабыр тарткан эмес", — деп айтылат билдирүүдө.
15 Бештин айы 2016, 16:56
Жолду тез арада тазалоо максатында жерине транспорт министрлигинин №23 бригадасы тартылды.
Алдын-ала маалыматтарга караганда, жолдун 224-чакырымы дагы 5-6 саатка жабык болот.
Транспорт министрлиги Бишкек — Ош жолуна чыгууну пландап жаткан айдоочуларды жол толугу менен ачылганча күтүп турууну эскертет.
