Ошто милиция зордуктады делген студент кыз окуянын чоо-жайын айтып берди

© Sputnik / Табылды КадырбековСлучаи насилия над женщинами в Кыргызстане
Случаи насилия над женщинами в Кыргызстане - Sputnik Кыргызстан
Жазылуу
Жабырлануучу милиция кызматкери ур-тепкиге алуу менен зордуктады десе, шектүү жалаа жаап жатат деген оюн айтты.

БИШКЕК, 3-дек. — Sputnik. Милиция кызматкери тарабынан зордукталгандыгын айтып, Ош шаардык прокуратурасына арыз жазган 21 жаштагы кыз учурда Ош шаардык ооруканасында дарыланып жатат. Бул тууралуу жабырлануучу Sputnik Кыргызстан агенттигинин кабарчысына билдирди. 

Анын айтымында, соттук медициналык экспертиза дайындалып, бирок жыйынтыгы азырынча чыга элек. Ал учурда ОшМУда 3-курста окуйт. 

Эске сала кетсек, Ош шаарынын 21 жаштагы тургуну 26-ноябрда милиция кызматкери тарабынан зордукталганын айтып, шаардык прокуратурага арыз менен кайрылган. Студент кыз өз арызында милиция кызматкери аны унаасы менен Ош шаарындагы көчөлөрдүн бирине алып барып, зордуктаган соң ур-тепкиге алгандыгын жазган. 

Ал эми Ош шаардык прокуратурасы зордуктоого шектүү делинген милиция кызматкеринин үстүнөн текшерүү иштери башталгандыгын, бирок кылмыш иши азырынча козголо электигин маалымдаган болчу. 

Зордукталгандыгын айтып, арыз жазган студент кыз Sputnik Кыргызстан агенттигинин кабарчысына окуя кандай болгондугун айтып берди. 

"Өтө кеч эмес болчу. Жол боюнда турсам, бейтааныш бир эркек машинасы менен токтоп, үйүмө "жеткирип коем" деп сунуштады. Дос кызымдын үйүнө тамактанганы бараткандыгымды айтып, аны кошуп алдык. Ал арак ичип жүрдү", — деди ал. 

Ымыркай. Архив - Sputnik Кыргызстан
Ысык-Көлдүн тургуну өз кызын эки жылдан бери зордуктап келген деп шектелүүдө
Жабырлануучу жолдо бара жатып, тааныш байкесине токтошкондугун кошумчалады. 

"Жолдо тааныш байкени көрүп калдык. Тиги жигит аны тааныйт экен, унаасынан түшүп учурашты. Анан жумушуна бардык. Бизге "силер Оштогу чоңдорду тааныйт экенсиңер, ошол кишиден "боюмда бар" деп арыз жазып бергиле" деди. Макул болгон жокпуз", — деди студент. 

Ал кыз жаңы таанышкан жигит аябай мас болуп калгандыктан анын унаасын өзү айдап, ишканасынан стадионго чейин келгендигин айтат.

"Жаман сөздөр менен бизди сөккөнүнөн улам унааны токтоттук. Дос кызым экөөбүз такси кармап ага отурайын деп жатсам тиги жигит мени таксиден чыгарып күч колдонуу менен машинасына салып кетип калды. Тешик таш базарынын тушуна унаасын токтотуп, күч колдонуу менен зордуктады", — деди кыз. 

Камак. Архив - Sputnik Кыргызстан
Сот зордуктоого шектелип кармалган таксистти камакта калтырды
Учурда ал шаардык ооруканада тиешелүү медициналык жардам алууда. Өзүнүн айтымында, турмушка чыгып, бирок көп жашабай эле ажырашкан. 

ИИМдин Түштүк аймагы боюнча уюшкан кылмыштуулукка каршы күрөшүү башкармалыгынын башчысы Малик Нурдинов шектелген милиция кызматкери студент кыздар ага жалаа жаап жатканын айткандыгын билдирди. 

Анын айтымында, учурда анын үстүнөн кызматтык иликтөө иштери жүргүзүлүп жатат.

"Кызматтык иликтөө жүргүзүлүп, тиешелүү документтерди кызматкерлердин үстүнөн текшерүүчү тарапка өткөрүп бергенбиз. Эгерде чындап эле ал кызматкер күнөөлүү болсо, анда жооп бериши керек. Биз аны коргобойбуз. Бирок ал кызматкер "студент кыздар ага атайын жалаа жаап жаткандыгын" билдирди. Учурда шаардык прокуратура кылмыш ишин козгой элек экен", — деди Нурдинов.

Ал күнөө коюудан мурун кылмыш болгонун далилдөө керектигин кошумчалады.

Жаңылыктар түрмөгү
0