БИШКЕК, 2-дек. — Sputnik. Жергиликтүү убакыт боюнча саат 13:22де Ош облусунун Нура айылында күчү 3 баллга жеткен жер титирегенин ӨКМ Сейсмология институтуна шилтеме берүү менен билдирди.
Алдын ала маалымат боюнча жер титирөөнүн очогу Кытайда катталып, Нура айылынын түштүк-батышты карай 37 чакырым алыстыкта орун алган.
Кыйроолор жана жабыркагандар болгон эмес.
Белгилей кетсек, ноябрь айынын аягында дагы Нура айылында бир нече жолу жер титиреген.
