БИШКЕК, 29-ноя. — Sputnik. Бишкек шаарынын 7-кичи районундагы көп кабаттуу имараттагы жеке мектепте өрт чыкты деп билдирди ӨКМдин маалымат кызматынан.
Маалыматка ылайык, билдирүү бүгүн, 29-ноябрда саат 08:40та түшкөн.
"Аалы Токомбаев 46 дарегинде жайгашкан жеке мектепте өрт чыкты. Учурда өрттү үч бригада өчүрүүдө", — деп жазылат маалыматта.
Окуя болгон жерде Sputnik Кыргызстандын кабарчысына фамилиясын атагысы келбеген Елена аттуу мугалим балдарды алып чыгып кеткенге жетишкендигин айтты.
"Эртең менен келип, күндөгүдөй эле сабактагы баштаганбыз. Анан эле өрт чыккандыгы тууралуу угуп, балдарды эшикке чыгара баштадык. Кудай жалгап, балдардын баарын чыгарып кеткенге жетиштик", — деди Елена.
Тилсиз жоо чиркөө тараптан чыкты деп кошумчалады ал.
Тез жардам кызматынан өрт боюнча чакыруу түшүп, дарыгерлер жөнөп кеткендигин айтышты.
ӨКМ кененирээк маалымат кечирээк берилерин билдирди.
Бишкектеги жеке мектептен чыккан өрттөгү кадрларды Sputnik Кыргызстан видеосунан көрүңүздөр>>
