16:02 20 Үчтүн айы 2020
Түз эфир
  • USD69.8300
  • EUR77.7592
  • RUB1.1348
Окуялар
Кыскача шилтеме алуу
42001

Бул кылмышка шектүү катары ошол эле райондун 46 жаштагы тургуну, маркумдун досу кармалган.

БИШКЕК, 13-ноя. – Sputnik. Өзгөн районунда милиция кызматкерлери изи сууй электе адам өлтүрүүгө шектүү жаранды колго түшүргөнүн Ош облустук ички иштер башкармалыгынын маалымат катчысы Жеңиш Ашырбаев аймактык кабарчыга билдирди.

Ага ылайык, ушул жылдын 11-ноябрында РИИБге өз үйүнөн 45-50 жаштардагы адамдын сөөгү табылганы боюнча маалымат келип түшкөн.

"Окуя болгон жерге барган ыкчам-иликтөө тобу маркумдун кыйнап өлтүрүлгөнү аныктаган. Оор кылмыштын бетин ачуу максатында өлтүрүлгөн адамдын бир туугандары, тааныштары, жакындары суракка алынган", — деди Ашырбаев.

Өлтүрүлгөн жаран Өзгөн районунун 45 жаштагы тургуну экендиги аныкталган. Бул кылмышка шектүү катары ошол эле райондун 46 жаштагы тургуну, маркумдун досу кармалган.

Тергөө иштеринин жүрүшүндө үстүбүздөгү жылдын 10-ноябрында болжол менен саат 00:30дар чамасында эки дос спирт ичимдигин ичип отурушкан. Ортодо чыккан пикир келишпестиктен улам шектүү жаран бөтөлкөлөшүн бычак менен бир нече жолу төшкө сайып, мууздап салган. Андан кийин качып кеткен.

Учурда аталган факт боюнча КР Кылмыш кодексинин 97-беренеси (Адам өлтүрүү) боюнча кылмыш иши козголуп, кармалган жаран күнөөсүн мойнуна алды.

Учурда тергөө иштери улантылып жатат.

Тема боюнча

ИИМ: Ысык-Көлдө жолугушууга келип бычакталган кыздын сөөгү табылды
Белгилер:
арак, бычак, Өзгөн

ЭҢ МААНИЛҮҮ