ШИИБ көзү ачыктын колунан өлдү делген баланын чоо-жайын иликтеп жатат

© Sputnik / Сергей Мамонтов / Медиабанкка өтүүБалдар ооруканасы. Архивдик сүрөт
Балдар ооруканасы. Архивдик сүрөт - Sputnik Кыргызстан
Жазылуу
Ата-энеси баласын айыктыра албагандан кийин көзү ачык балага кайрылышкан. Алдын ала маалыматтар боюнча ал баланын дартын көк таш менен дарылаган.

БИШКЕК, 13-окт. — Sputnik. Бишкек шаардык ички иштер башкармалыгы көзү ачыктын колунан өлдү делген баланын чоо-жайын иликтеп жатат Бул тууралуу милициядан билдиришти.

Жашоо үчүн күрөш: 17 ирет операция жасалган майып кыз кантип акча таба баштады - Sputnik Кыргызстан
Жашоо үчүн күрөш: 17 ирет операция жасалган кыз кантип акча таба баштады
ШИИБ наристенин ата-энесинин айтканына таянуу менен тараткан билдирүүдө алар баласын айыктыра албай, 80 жаштагы көзү ачык кемпирге кайрылган.

Алдын ала маалымат боюнча кемпир баланын жаракатын көк таш менен дарылаган. Андан кийин баланын абалы начарлап кеткен. Ата-энеси аны оор абалда №3 ооруканасына алып барышкан. Бала ошол жерден каза болгон.

Наристенин каза болгону тууралуу милицияга ооруканадан кабарлашкан. Ата-энесинен эч кандай билдирүү түшкөн эмес. Кемпир колдонгон каражат боюнча сот-медициналык экспертиза дайындалды. 

Окуянын чоо-жайын ШИИБ кийинчерээк билдирет.

Жаңылыктар түрмөгү
0