Ишкер: чекист менен урушкандан кийин 156 миң сом акчам жоголду

© Sputnik / Табылды КадырбековСтолдогу акча каражаттары, архивдтик сүрөт
Столдогу акча каражаттары, архивдтик сүрөт - Sputnik Кыргызстан
Жазылуу
Зарылбек Мааткалыков чекист төрт баласы менен кошо сабап, катуу металл менен таяктаганын айтты.

БИШКЕК, 26-сен. — Sputnik. Ишкер Зарылбек Мааткалыков Улуттук коопсуздук кызматынын Кызыл-Кыя шаары боюнча бөлүм башчысы менен болгон чатагы тууралуу Sputnik Кыргызстан агенттигине айтып берди. 

Милиция кызматкери. Архив - Sputnik Кыргызстан
"Хизб ут-Тахрир" уюмунун мүчөсү делинген эки бүлөнүн үйү тинтилди
Эске сала кетсек, ИИМдин маалымат кызматы Lexus үлгүсүндөгү жол тандабастын айдоочусу З.М. менен "Нива" унаасын айдаган УКМКнын кызматкери Ж.З. жол талаша кетип, кайым айтышканын, ал мушташка чейин жеткенин маалымдаган. Окуя тууралуу билдирүү жергиликтүү милицияга телефон аркылуу келип түшкөн. Окуя болгон жерге Кайгуул милициясынын ыкчам тобу жетип барган. Мушташ боюнча анын катышуучулары милицияга кайрылган. 

УКМК аталган окуя боюнча кызматтык иликтөө жүргүзүлөрүн, ага катыштыгы бар делген кызматкер иш ачык-айкын тергелиши үчүн ээлеген кызматынан четтетилгенин кабарлады.

Мушташтын катышуучусу Мааткалыков окуя болгон күнү аялы менен Баткенди көздөй бара жатканын айтты. 

"Нива" үлгүсүндөгү унаа бир канча ирет жолубузду тороду. Андан соң алдыга өтүп, жолумду тоскондуктан токтодум. Төрт бала түшүп келип, унаадан эле ура баштады. Анан жерге жаткызып, катуу металл менен сабашты, менимче тапанча окшойт. Ошол учурда УКМКнын кызматкери: "Мени тааныбай жатасыңбы?", — деп жатты. Окуядан кийин унаамда катылган 156 миң сом жок болуп чыкты. Учурда мага ИИМден кайрылып, арызыңды ал деп жатышат", — деди Мааткалыков. 

Кол кишендин архивдик сүрөтү - Sputnik Кыргызстан
Бишкекте жети жашар кызды уурдоого аракет кылды делген киши кармалды
Ал милиция кызматкерлери окуяга эки эле адам катышып жатат деп тараткан маалымат туура эмес экенин айтып, чындыкка жетерине ишенерин кошумчалады. Ал учурда Кызыл-Кыядагы ооруканада жатканын белгиледи. 

Ош ОИИБ кызматкерлери арызды алып кой деп ишкерге кайрылбагандыгын айтып, балким УКМК кызматкеринин жакындары кайрылышы мүмкүндүгүн билдирди. Ошондой эле аталган иш Аскер прокуратурасына өткөрүлөрүн кошумчалады. 

Жаңылыктар түрмөгү
0