Ошто "Хизб ут-Тахрир" уюмуна тиешеси бар делген укук коргоочу кармалды

© Sputnik / Эркин АлымбековМилиция кызматкерлеринин архивдик сүрөтү
Милиция кызматкерлеринин архивдик сүрөтү - Sputnik Кыргызстан
Жазылуу
Шек менен кармалган 36 жаштагы киши Ош шаарындагы "Правосудие-Истина" деп аталган укук коргоо уюмунун мүчөсү болуп чыккандыгы кабарланды.
Замир Сыдыков: укук коргоочунун иш ордунан "Хизб ут-Тахрир" адабияттары табылды

БИШКЕК, 21-сен. — Sputnik. Ош шаарынын Ички иштер башкармалыгынын 10-бөлүмүнүн кызматкерлери "Хизб ут-Тахрир" экстремисттик уюмунун адабияттарын таратты деген шек менен 36 жаштагы укук коргоочуну кармады. Бул туурасында Ош шаарынын ички иштер башкармалыгынын маалымат катчысы Замир Сыдыков билдирди.

"Жеке ишкерлик менен алектенген ишкер өзүнүн иштеген ордунда "Хизб ут-Тахрир" экстремисттик уюмунун идеяларын жайылтуу максатындагы баракчаларын, китепчелерин жайылтууга шарт түзүп берген", — деп билдирди Сыдыков. 

Шек менен кармалган 36 жаштагы киши Ош шаарындагы "Правосудие-Истина" деп аталган укук коргоо уюмунун мүчөсү болуп чыккандыгы кабарланды. 

"Анын иш столунан 1 ноутбук, флеш-карталар, 14 DVD дисктер жана кол телефон, бир нече паспорттор, түштүк аймагындагы ар кыл 22 уюмдун мөөрү басылган актай кагаздар,  акча каражаттары табылган", — деп билдирди Сыдыков.

Ош ШИИБ өкүлү буга чейин аталган бөлүмдүн кызматкерлери жашыруун түрдө аталган адабияттарды жайылтып жүргөндүгүнө ынангандан кийин тинтүү иштери жүргөнүн кошумчалады. 

Укук коргоочу Ош шаарындагы убактылуу кармоо жайына 48 саатка киргизилген.

Жаңылыктар түрмөгү
0