БИШКЕК, 11-авг. — Sputnik. Кыргызстандан Казакстанга бараткан россиялык жарандын машинасынан газ тапанчасы табылганын Чек ара кызматы билдирди.
Маалыматка ылайык, кыргыз-казак чек арасындагы "Токмок" көзөмөл өткөрүү пунктунан 10-августта Honda Odyssey үлгүсүндөгү автоунаа токтотулган. Аны тинтүү учурунда газ тапанчасы төрт огу менен табылган.
Тийиштүү документтер толтурулган соң чет элдик жаран ИИМдин аймактык бөлүмүнө өткөрүп берилген.