БИШКЕК, 13-июл. — Sputnik. Минскинин улуттук аэропортунда шаршемби күнү добул болгон учурда эки учак кагылышты деп билдирди Sputnik Беларусь “Белавиа" авиакомпаниясына шилтеме берүү менен.
Окуя туурасында социалдык тармакка күбө болгондор жазып чыгып, ал эми авиакомпаниядан бул кабарды тастыкташты.
Маалыматтарга караганда, кагылышкан учактын бири "Белавиага" таандык.
Минскинин Өзгөчө кырдаалдар бөлүмүнүн маалымат катчысы Sputniк маалымат агенттигине азырынча окуя туурасында кабар түшө электигин айтты.
Борбор калаага шаршемби күнү нөшөрлөгөн жамгыр жаап, анын кесепетинен бир топ көчөлөрдү кыян каптаган. Шамалдын ылдамдыгы күчөп, үйлөрдүн чатырлары талкаланып, бактар кулаган. Минскиликтер Twitter баракчасына бардык райондордо электр кубаты өчкөндүгүн жазышты.
