БИШКЕК, 29-апр. — Sputnik. Ош облусунун Алай районуна караштуу Нура айылынан 30 чакырым түндүк-чыгышынан алыстыкта күчү 6 баллга жеткен жер титиреди. Бул тууралуу Өзгөчө кырдаалдар министрлиги билдирди.
Маалыматка ылайык, жер титирөө бүгүн саат 10:30дар чамасында болгон. Сейсмология институтунун билдиришинче жер титирөөнүн очогу Тажикстандын аймагында жайгашып, күчү алты баллга жеткен. Ал Эркечтам айлынан 25 чакырым түштүк-чыгышта жана Нура айылынан 30 чакырым түндүк-чыгышта орун алган.
Жер титирөөнүн күчү Эркечтам, Нура, Икизяк айылдарында 5 балл, Кара-Киндик, Кичи-Караколдо 3-4 балл болуп сезилген.
Алдын ала маалыматтар боюнча жабыркагандар жок.
Эмне үчүн жер титирөөлөр болорун Sputnik инфографикасынан окуңуз>>
