Киргшелкто киши колдуу болгон үч аялдын бирөөсүнүн күйөөсү өзүнүн жанын кыйды

Жазылуу
Өзүнө кол салган жаран өзүнө ок чыгарар алдында кат жазып кеткен.

БИШКЕК, 31-мар. — Sputnik. Ысык-Атанын Киргшелк айылында киши колдуу болгон үч аялдын бирөөсүнүн жарандык жолдошу өзүн атып өлтүргөнүн Чүй ОИИБ билдирди.

Эскерте кетсек, 24-март күнү милиция кызматкерлери үй ичинен үч аялдын жансыз денелерин таап, анын бири кош бойлуу экенин аныкташкан. Учурда кылмышка шектүүлөр изделип жатат. ИИМ башчысы Мелис Турганбаев бул ишти жеке көзөмөлүнө алган.

Сот залы. Архив - Sputnik Кыргызстан
Жети жаштагы Даниэлди уурдап барып өлтүргөн деп шектелген аял күнөөсүн моюндабай жатат
ОИИБ кечээ саат 22.00дө Кант шаарында өз жанын кыйган киши тууралуу маалымат келип түшкөнүн белгилейт. Окуя болгон жерге барган милиция кызматкерлери маркумдун жанында "Екатеринасыз жашай албайм, ал менин жан туйгум болчу. Күнөө экенин билем, кечиргиле…" деген мазмундагы катты табышкан.

51 жаштагы жаран өлтүрүлгөн аялдардын биринин жарандык күйөөсү болгон. Алар 15 жылдан бери чогуу өмүр сүрүшкөн. 

Курал каттоого алынбагандыктан учурда анын маркасы такталып жатат. Алдын ала маалымат боюнча мылтык мураска калган курал болушу мүмкүн. Тергөө амалдары улантылууда.

Жаңылыктар түрмөгү
0