Коргоо министрлиги менен "Аскер-Курулушка" карата алтынчы кылмыш иши козголду

© Sputnik / Табылды КадырбековКоргоо министрлигинин аскеринин шеврону. Архив
Коргоо министрлигинин аскеринин шеврону. Архив - Sputnik Кыргызстан
Жазылуу
Эскерте кетсек, Коргоо министрлиги 2015-жылдын ноябрынан тарта Коргоо боюнча мамлекеттик комитет болуп өзгөргөн.

БИШКЕК, 28-мар. — Sputnik. Коргоо министрлигинин алдындагы "Аскер-Курулуш" мамлекеттик ишканасы тарабынан 2012-2015-жылдардын аралыгында аткарган жумуштун көлөмүн негизсиз жогорулаткан фактысы катталганын УКМК билдирди.

Маалыматка ылайык, Жалал-Абад облусундагы Көк-Жаңгак шаарында аскер шаарчасын куруу боюнча түзүлгөн келишимдин негизинде министрлик тарабынан Курулуш башкармалыгы менен аталган ишканага 328 миллион 426,2 миң сом бөлүнүп, ал курушу иштери үчүн которулган.

Аткарылган иштин актысында 2012-2015-жылдардын аралыгында 290 миллион 203,1 миң сомдук жумуш жасалганы көрсөтүлгөн. Бирок аудитордук текшерүүнүн натыйжасында аткарылган жумуштун көлөмү 283 миллион 854,3 миң сомго бааланган. 

Кишен. Архив - Sputnik Кыргызстан
Кара-Суу райондук аскер комиссариаттын инспектору пара алып кармалды
Мындан улам мамлекетке 6 миллион 975,3 миң сомдук зыян келтирилген.

Бул факт боюнча Башкы прокуратура Коргоо министрлигинин жооптуу кызматкерлерине карата Кылмыш жаза кодексинин 304 (Кызмат абалынан кыянаттык менен пайдалануу), 315 (Документтерди жасалмалоо) беренелеринин негизинде, ал эми "Аскер-Курулуш" ишканасынын жетекчилигине карата 166 (Шылуунчулук) жана 350 (Жасалма документтерди, мамлекеттик сыйлык, мөөр, бланктарды даярдоо, пайдалануу) беренелери боюнча кылмыш ишин козгоду.

Учурда тергөө амалдары жүрүп жатат.

Эскерте кетсек, Коргоо министрлиги 2015-жылдын ноябрынан тарта Коргоо боюнча мамлекеттик комитет болуп өзгөргөн.

Жаңылыктар түрмөгү
0