Салыкчынын мыйзамсыз иши өлкөнү 500 млн. сомдон куру жалак калтырды

Жазылуу
Ленин райондук салык башкармалыгынын башкы инспектору көп жылдан бери жалган фирманын отчетторун тапшырып келген.

БИШКЕК, 16-мар — Sputnik. Мыйзамсыз аракетинен улам мамлекет казынасына 500 миллион сом зыян келтирген Ленин районунун салык башкармалыгынын кызматкери кармалганын Финансы полициясы билдирди.

Милиция кызматкеринин фуражкасы, кол кишен жана акча. Архив - Sputnik Кыргызстан
Банк аркылуу пара алган "Сүлүктүкөмүрдүн" директорлор кеңешинин төрагасы кармалды
Маалыматка ылайык, аталган адис кызмат абалынан пайдалануу менен каттоодон өткөн жалган ишканалардын отчетторун нөлдүк көрсөткүч менен тапшырып келген. Текшерүү маалында аталган ишкана бир нече компания менен иштешип, жазып берген эсеп-фактуралары аныкталган.

Мында жалган ишканалардан отчет кабыл алган Ленин райондук салык башкармалыгынын кызматкерлери документтердеги кайчы маалыматтарга карабастан, фирмага карата эч кандай чара көрүшкөн эмес.

Башкармалыктын мындай мыйзамсыз аракети аталган ишканага "мыйзамдуу" ишмердүүлүк жүргүзүүгө жана көп жыл бою кылмышын жашырып келүүгө шарт түзгөн. Ал эми мындан өлкө казынасына 499 миллион сом өлчөмүндө материалдык зыян келтирилген.

Бажы кызматынын имараты. Архив - Sputnik Кыргызстан
Алкымы бузук бажычылар алдамчылык жана документ жасоого шектелүүдө
Бул боюнча аталган башкармалыктын кызматкерлерине карата Башкы прокуратура кылмыш ишин козгоду. Иликтөө иштери Финансы полициясынын тергөө башкармалыгына жүктөлгөн.

Үстүбүздөгү жылдын 14-мартында аталган кылмышка шектүү Ленин райондук башкармалыктын салыктык текшерүү бөлүмүнүн башкы инспектору кармалып, убактылуу кармоочу жайга киргизилди.

Учурда тергөө иштери улантылууда.

Жаңылыктар түрмөгү
0