БИШКЕК, 28-янв. — Sputnik. Шылуунчулукка шектелип, издөөгө алынган Сузак районунун жергиликтүү кеңешинин депутаты колго түшүрүлгөнүн ИИМ билдирди.
Маалыматка ылайык, мындан эки жыл мурун аталган депутат ишенимге кирип бирөөнүн 22 миң долларлык Subaru Outback үлгүсүндөгү унаасын айдап, ошол боюнча дайынсыз кеткен.
27 Үчтүн айы 2016, 15:42
Бул боюнча 2015-жылы кылмыш иши козголгон. Бирок унааны алып кеткен киши дарегин өзгөртүп жибергендиктен аны кармоо мүмкүн болгон эмес. Издөө жарыяланып, Сузак райондук соттун чечими менен аны камакка алуу өкүмү чыккан.
26-январда шектүү жарандын Бишкек шаарындагы Шопоков көчөсүндө жайгашкан үйлөрдүн биринде баш калкалап жатканы белгилүү болгон.
Учурда депутат кармалып, Бишкек ШИИБнын убактылуу кармоочу жайына киргизилди.
43 жаштагы Сузак районунун тургуну 2012-жылы айыл аймактарынын биринде жергиликтүү кеңешке депутат болуп шайланып, учурда ишмердүүлүгүн улантып жаткан эл өкүлү болуп саналат.
