Ош шаарынын милиция кызматкерлерине жаранды кыйнаган деп кылмыш иши козголду

© Sputnik / Табылды КадырбековКол кишен жана милиция кызматкеринин фуражкасы. Архив
Кол кишен жана милиция кызматкеринин фуражкасы. Архив - Sputnik Кыргызстан
Жазылуу
Милиция кызматкерлери кылмыш жасаган деп шектелген жаранды милиция бөлүмүнө алып келип кыйнаган жана жакындарынан 5 миң доллар пара талап кылганын Башкы прокуратура билдирди.

БИШКЕК, 18-дек. — Sputnik. Ош шаарынын прокуратурасы шаардык милициянын кызматкерлерине карата кылмыш ишин козгоду. Бул тууралуу Башкы прокуратуранын маалымат кызматы билдирди.

Маалыматка ылайык, Кылмыш жаза кодексинин эркиндигинен мыйзамсыз ажыратуу, кыйноо, кызматтык абалынан кыянаттык менен пайдалануу, пара талап кылуу беренелери боюнча кылмыш иши козголду.

"Ош шаардык милициянын Сулайман-Тоо бөлүмүнүн кызматкерлери 2-декабрда кылмыш жасаган деген шек менен бир жаранды милиция бөлүмүнө алып келип, кыйнашкан. Ушул эле күнү түштөн кийин эч кандай уруксаты жок эле үйүн тинтүүгө алышкан", — деп айтылат Башкы прокуратура тараткан билдирүүдө.

Аталган милиция бөлүмүнүн кызматкерлери кармалган жарандын жакындарынан 5 миң доллар пара талап кылышкан, бирок, максатына жетпеген соң кечки саат алтыларда аны кое беришкен деп маалымдады. 

Учурда тергөө иштери жүрүп жатат.

Жаңылыктар түрмөгү
0