Кара көсөө болгон буудайды сатып алган "Дандын" жетекчиси камакка алынды

Жазылуу
Башкы директордун өзүм билемдик менен жасаган ишмердүүлүгүнөн бюджетке эки миллион сомдон ашуун зыян келтирилген.

БИШКЕК, 17-дек. — Sputnik. "Дан" мамлекеттик ишканасынын башкы директоруна кылмыш иши козголуп, камакка алынганын УКМК билдирди.

Маалыматка ылайык, жетекчи үстүбүздөгү жылдын июль айында өзүм билемдик менен аталган ишкананын кыймылсыз мүлкүн төмөндөтүлгөн баа менен сатып жиберген. Мындан казынага 2 миллион 308 миң сом зыян келтирилген. 

Транспорт жана коммуникация министрлигинин имараты. Архив - Sputnik Кыргызстан
УКМК: Транспорт жана коммуникация министрлигине карата кылмыш иши козголду
Муну менен бирге мамлекеттик резерв үчүн "кара көсөө" болгон 29,22 тонна буудай сатып алган. Экспертизанын жыйынтыгы менен алынган буудайды кайра өткөрүү жөнүндө эскертүү эске алынган эмес. 

Кара көсөө болгон буудайдан алынган ун адамдын организмин ууландырары белгилүү. 

Мындан улам башкы директорго "Ишенип берилген мүлктү ыйгарып алуу же төлөмөр болуу" жана "Коммерциялык же башка уюмдардын кызматчыларынын ыйгарым укуктарын кыянаттык менен пайдаланышы" беренелери боюнча кылмыш иши козголгон. 

Бишкек шаарынын Биринчи Май райондук соту УКМКнын тергөө абагына камакка алуу чечимин чыгарып, учурда иликтөө иштери жүрүп жатканы маалым болду. 

Жаңылыктар түрмөгү
0