Жумгалдык жашоочу: жер катуу силкингенде башым айланып, столго жата калдым

© AFP / BAY ISMOYOАппарат сейсмограф
Аппарат сейсмограф - Sputnik Кыргызстан
Жазылуу
ӨКМден жердин силкинүүсү Кочкор, Ак-Талаа жана Жумгал райондорунда байкалгандыгын билдирди.

БИШКЕК, 7-дек. — Sputnik. Кыргызстандыктар бүгүн жердин эки ирет силкинишин сезди. Биринчисинин очогу — Тажикстанда жайгашса (саат 13:52де), экинчисиники — Кыргызстандын Жумгал районун аймагында болду (саат 14:33тө).

Жумгал районунун борбору Чаекте жердин катуу силкингени кадимкидей сезилип, эл коркуп калгандыгын аталган райондук акимиаттын кызматкери билдирди. 

"Биринчи титирегенде кадимкидей сезилди, башым айланып столго жата калдым. Экинчиси, болжол менен 10 мүнөттөн кийин болуп, анысы салыштырмалуу андан катуу болду. Көзүм ала-чакмактап жаман болдум. Баарыбыз эле кадимкидей эле коркуп калдык. Биздин имарат үч кабат. Бирок, эл сыртка чуркап чыккан жок", — деп айтып берди акимчиликтин кызматкери.

Жер титирөөнүн графиги. Архив - Sputnik Кыргызстан
ӨКМ: биринчи жер титирөөнүн күчү Ошто 4, ал эми Бишкекте 3 баллга жетти
Ал эми ӨКМдин райондук бөлүмүнүн кызматкери учурда жер титирөөдөн кийинки абал такталып жаткандыгын айтты. 

ӨКМдин маалыматында, жер титирөөнүнү очогу алдын ала алынган маалыматтар боюнча Жумгалдын Кара-Кече аймагынан 40 чакырым алыстыкта жайгашкан, магнитудалык күчү 5,3 болгон. Жердин силкинүүсү Кочкор, Ак-Талаа жана Жумгал райондорунда байкалгандыгын билдирди. 

Кыргызстанда жер титиреди
Кыргызстанда жер титиреди - Sputnik Кыргызстан
Кыргызстанда жер титиреди

Жаңылыктар түрмөгү
0