Коргоо министрлиги менен "Аскер Курулуштун" мурунку жетекчилигине үчүнчү иш козголду

Жазылуу
Эки жыл бою мамлекеттик акчаны өз максаттары үчүн колдонуп келген жетекчиликке буга чейин эки кылмыш иши козголуп, иликтөө жүрүп жатканы маалымдалган.

БИШКЕК, 3-дек. — Sputnik. Коргоо министрлигинин мурунку жетекчилиги менен "Аскер Курулуш" мамлекеттик ишканасына карата мамлекеттик каражатты туура эмес пайдалангандыгы боюнча үчүнчү кылмыш иши козголгонун УКМК билдирди.

Коргоо министрлигинин шеврону. Архив - Sputnik Кыргызстан
Коргоо министрлигинин мурунку жетекчилери менен "табакташтары" жоопко тартылат
Маалыматка ылайык, 2013-жылдын апрель айында министрлик менен аталган ишкананын ортосунда Жалал-Абад шаарына жалпы суммасы 133 миллион 119,3 миң сомдук аскер шаарчасын куруу боюнча келишим түзүлгөн. Эки айдан кийин "Аскер Курулуш" ушул эле суммада "ЖКХ Коммунальщик Сервис" компаниясы менен субподряддык келишим түзгөн. 

Которулган каражатты иштете албай, жумуштун көлөмү көбөйүп кетти деген шылтоо менен "Аскер Курулуш" министрлик менен кошумча келишип түзүп, курулуштун суммасын негизсиз 221 миллион 100,3 миң сомго көбөйтүп алган.

Мында ишкана "ЖКХ Коммунальщик Сервис" компаниясына 328,4 миллион сом которуп берген. Ал эми 2015-жылдын ноябрь айына карата курулуш иштеринин болгону 108 миллион 103,8 миң сомго аткарылганын тастыктаган актылар түзүлгөн. Бул жалпы иштин 48,9 пайызын гана түзөт.

Мындан улам министрлик менен ишкананы мурунку жетекчилиги кызмат абалынан кыянаттык менен пайдаланып, тийиштүү документтерсиз эки жылдын аралыгында "ЖКХ Коммунальщик Сервис" компаниясына мыйзамсыз 2018 миллион 965,1 миң сом которуп беришкени аныкталды.

Коргоо министринин мурунку орун басары Таалайбек Өмүралиев. Архив - Sputnik Кыргызстан
Коргоо министринин мурунку орун басарына кылмыш иши козголду
Мындан тышкары, айыпталып жаткандар бюджеттик каражатты өз максаттарында пайдаланып келишкен, ал эми кошумча которулган 107 миллион 325,9 миң сом ушу кезге чейин компанияда "айланып" жүрөт. 

Натыйжада УКМК менен Аскер прокуратурасы тарабынан министрлик менен аталган ишкананын мурунку жетекчилигине үчүнчү кылмыш ишин козгоду. Учурда тергөө амалдары жүрүп жатат.

Коргоо министрлиги 2015-жылдын ноябрь айынан баштап Коргоо иштери боюнча мамлекеттик комитет болгон.

Жаңылыктар түрмөгү
0