БИШКЕК, 27-ноя. — Sputnik. Он бештен ашык жалган фирма ачып, мамлекетке 268 миллион сомго жакын зыян келтирген жаран аныкталды. Бул тууралуу Финансы полициясы билдирди.
Маалыматка ылайык, Р.К. аттуу жаран 15тен ашык жасалма фирма ачып, жалган ташууларды ишке ашырып келген. Ал салык боюнча эсеп-фактураларды нөл көрсөткүч менен тапшырып келген. Тергөө учурунда аныкталгандай, ал киши үй камагында жатканына карабай, ушундай мыйзамсыз аракеттерди жүргүзүп келген.
Аталган факты боюнча Кылмыш жаза кодексинин 182-беренесинин (жалган ишкердик) негизинде кылмыш иши козголду.
Учурда бул коррупциялык схемага тийиштиги бар кишилерди аныктоо чаралары көрүлүүдө.
Шектүү жаран убактылуу кармоо жайына камакка алынды, Биринчи Май райондук соту тарабынан баш коргоо чарасы каралат.
