Кримтөбөлдү өлтүргөн уюшкан топтун мүчөсү "Зыпа" колго түштү

© Sputnik / Евгений Биятов / Медиабанкка өтүүКишен. Архив
Кишен. Архив - Sputnik Кыргызстан
Жазылуу
Алиев кылмыш болгон жерден из суутуп кетүүгө үлгүргөн. Милиция аны жарым жылдан бери издеп жүргөнүн маалымдады.

БИШКЕК, 19-ноя. — Sputnik. Үстүбүздөгү жылдын 27-апрелинде криматоритет Дамир Сапарбековду өлтүрүүгө шектелген уюшкан кылмыштуу топтун мүчөсү Зыпарбек Алиев кармалганын ИИМ билдирди.

Маалыматка ылайык, Сапарбеков "Жал-30" кичи районундагы өз үйүнүн жанына өлтүрүлгөн. Бет кап кийген үч куралчан адам ага машинасынан түшүп, подүездге жакын калганда бир нече ирет ок чыгарышкан. Сапарбеков алган жараттарынан улам ооруканага жеткирилгенден кийин жан берген.

Түрмөгө алынган кишилер. Архив - Sputnik Кыргызстан
ИИМ: Ошто Көлбаевдин кылмыш тобунун мүчөсү кармалды
ИИМ буга чейин өлтүрүлгөн жарандын бир нече жолу соттолуп, уюшкан кылмыштуу топтун активдүү мүчөсү экенин жарыялаган. 

Ошол маалда киши өлтүргөн кылмышкерлерди издөө аракеттеринин натыйжасында бирөөсү кармалып, экинчиси из суутуп кеткен. Бир нече кишиге издөө жарыяланган.

Ыкчам-иликтөө иштеринин жүрүшүндө "Манас" аэропортунан Чүй облусунун тургуну "Зыпа" каймана аты бар 31 жаштагы Алиев кармалып, убактылуу кармооу жайга киргизилди.

Учурда тергөө амалдары жүрүп жатат.

Жаңылыктар түрмөгү
0