Сирияга кетип жаткан кыргызстандык беш жаран Түркиянын чегинен кармалды

© Sputnik / Михаил Воскресенский / Медиабанкка өтүүСириядагы Хомс шаары. Архив
Сириядагы Хомс шаары. Архив - Sputnik Кыргызстан
Жазылуу
Түркиянын полициясы Адана аймагынан Сирияга террордук топко кошулууга кетип бара жаткан 38 кишини кармады. Алардын 15и балдар болуп чыкты.

БИШКЕК, 10-ноя. — Sputnik. Түркияда кармалган"Ислам мамлекетине" кошулганы бара жаткан топтун ичинде Кыргызстандын беш жараны бар болуп чыкты. Бул туурасында Anadolu агенттиги маалымдады.

Түркиянын полициясыАдана провинциясынын түштүгүнөн "Ислам мамлекети" террордук уюмуна кошулганы бара жаткан 10 аялды, 15 баланы – жалпысынан 38 кишини кармаган. Алар Азербайжан (14), Индонезия (7), Ирак (5), Кыргызстан (5), Иран (3), Тажикстан менен Афганистандын эки жараны болуп чыкты.

Кол кишенчен адам. Архив - Sputnik Кыргызстан
Москвада адамдарды Сирияга кетүүгө үндөгөн Кыргызстандын жараны кармалды
Бул 38 кишини Түркия аркылуу Сирияга өткөрүп жиберүүгө аракеттенген деген шек менен дагы эки жаран кармалган.

Тиешелүү иш-чаралар көрүлгөндөн кийин алар Түркиянын миграция кызматына депортация үчүн тапшырылган.

Буг чейин эле жакында өзүн Кыргызстандын жаранымын деп тааныштырган бала башка кишилер менен чогуу Россиянын Сириядагы аракеттерине карата жихад жарыялаганы боюнча видео интернетте тарап, аны УКМК иликтөөгө алгандыгын кабарлаган. 

Буга чейин Сирияга 400 гө чукул кыргызстандык жарандар кеткендигин өлкөнүн күч түзүмдөрү маалымдаган. УКМКнын маалыматында алардын 40ка жакыны аялдар, ал эми он чактысы балдар.

"Ислам мамлекети" террористтик тобу бүгүнкү күндө дүйнөнүн башкы коркунучтарынын бири болуп эсептелет. Үч жыл ичинде террористтер Ирак менен Сириянын көпчүлүк жерлерин басып алышкан. Алар эми өз таасирин Түндүк Африкада, тагыраак айтканда, Ливияда жайылтуу аракетин көрүп жатат. Террорчулардын басып алган жерлеринин жалпы көлөмү, ар кандай маалыматтар боюнча, 90 миң чарчы чакырымга жетет. Экстремисттик топтун катарындагылардын саны ар кандай маалыматтар боюнча 50 миңден 200 миңге чукул.

Жаңылыктар түрмөгү
0