Күбө: Малдыбаев жана Суеркулов көчөлөрүнүн кесилишинде массалык мушташ болду

© Sputnik / Владимир Астапкович / Медиабанкка өтүүМуштум. Архив
Муштум. Архив - Sputnik Кыргызстан
Жазылуу
Окуяга күбө болгон жарандын айтымында, балдардын колунда курал болушу мүмкүн.

БИШКЕК, 30-окт. — Sputnik. Малдыбаев жана Суеркулов (мурдагы Донецкий) көчөлөрүнүн кесилишиндеги Кыргыз мамлекеттик Дене тарбия жана спорт академиясынын жатаканасынын алдында массалык мушташ болгонун окуяга күбө болгон жаран билдирди.

Анын айтымында, 30-40тай бала жатаканадан чуркап чыгып, сыртта турган балдар менен кайым айтышып, өз ара чатакташа кеткен. Алардын колунда курал болушу мүмкүндүгүн кошумчалады ал.

"Комменданттын эшикти жаап, сыртка чыгарбоого болгон аракетине карабай балдар чыгып кетишти. Алар бир бирине "колуңдагы куралды ташта" деп кыйкырып жатышты", — деди күбө.

№38 мектепке кол салуу – талкаланган терезе, даярдалган таяк жана жаалданган балдар
Анын айтымында, окуя түнкү саат 11лерде болгон. Учурда милиция келип териштирип жатат.

Малдыбаев 36/1 дарегинде мушташ болуп жатат деген билдирүү 102 кызматына түшкөнүн милициядан ырасташты.

"Тез жардам кызматы" аталган райондон телефон чалышканын, бирок мушташтан жабыркагандарга жардам берүү боюнча кайрылуу болбогонун билдирди.

Жаңылыктар түрмөгү
0