23:19 21 Теке 2018
Түз эфир
  • USD68.2377
  • EUR79.4389
  • RUB1.0748
Шектелип кармалган кишилер. Архив

Милиция ууруларды кармады, эми жабыркагандарды издейт

© Sputnik / Евгений Биятов
Окуялар
Кыскача шилтеме алуу
192 0 0

Милициянын тузагына түшкөндөр Булгаары заводдун аймагында түндөп "иштеп жүрүшкөн". Алар кечинде жолдон жалгыз-жарымдап өткөндөрдү коркутуп, акчаларын тартып алып турган.

БИШКЕК, 5-сен. — Sputnik. ШИИБдин Свердлов райондук ички иштер бөлүмүнүн кылмыш иликтөө кызматкерлери каракчылардын курмандыгы болгон жабырлануучуларды издеп жатат. Бул туурасында Шаардык милициянын маалымат кызматы билдирди. 

Бул жуманын бейшембиге оогон түнү Свердлов райондук ички иштер бөлүмүнүн кызматкерлери бир нече ирет тоноо кылмыштарын жасаган деп шектелген үч баланы кармашты. 

"Кармалгандар Булгаары заводдун аймагында түндөп "иштеп жүрүшкөн". Алар кечинде жолдон жалгыз-жарымдап өткөндөрдү коркутуп, акчаларын тартып алып турган", — деп билдирди Шаардык милициянын маалымат кызматы. 

Свердлов райондук ички иштер бөлүмүнүн тергөө кызматы тарабынан Кылмыш жаза кодексинин 167-беренеси менен кылмыш иши козголду. 20-21 жаш курактагы кармалган үчөө ШИИБдин убактылуу кармоо жайына киргизилген. 

"Учурда дагы ушундай ыкма менен жасалган кылмыштар табылды, азыркы кармалгандардын ал кылмыштарга тиешеси болушу да мүмкүн. Учурда тергөө-иликтөө иштери жүрүп жатат", — деп билдирди маалымат кызматы. 

Бишкек шаардык ички иштер башкармалыгы кармалгандардан жабыр тарткандар болсо, 0312 433 275 жана мобилдик 0701 009 432 телефондорго чалып, кайрылуусун билдирди. Алардын купуялуулугу сакталарын да айтышты. 

Тема боюнча

Кемпирди сабап кеткен киши милициянын колуна түштү
Белгилер:
кылмыш, тоноо, милиция
Колдонуу эрежелериПикирлер

ЭҢ МААНИЛҮҮ