Баланы куткарам деген офицер Ысык-Көлгө чөгүп кетти

© Sputnik / Табылды КадырбековПолковник аскердик наамы. Архив
Полковник аскердик наамы. Архив - Sputnik Кыргызстан
Жазылуу
Чөгүп аткан баланы куткаруу үчүн сууга секирген офицер катуу толкундан улам өзү жээкке сүзүп чыга албай, чөгүп кеткенин Башкы штабдан билдиришти.

БИШКЕК, 10-авг. — Sputnik. Аскердик бөлүктүн командири, полковник Эсеналиев Ысык-Көлгө чөгүп жаткан баланы куткарам деп жатып, өзү чөгүп кеткенин Куралдуу күчтөрдүн Башкы штабынын маалымат кызматы билдирди.

Кырсык ишемби күнү Ысык-Көл облусунун Тамга айылындагы аскер санаториясында болгон.

"Офицер сууга чөгүп жаткан баланы куткарып жатып, катуу толкундан улам өзү чөгүп кетти. Дем алыш күндөрү ал жакта катуу шамал болгон. Азыр баланын абалы жайында", — деп билдиришти Башкы штабдан.

Аскер бөлүктүн командири кезектеги эмгек эс алууда жүргөн.

Окуянын чоо-жайы боюнча кийинчерээк толук маалымат бериле турганын Башкы штабдан билдиришти.

Жаңылыктар түрмөгү
0