Казакстанда жол кырсыгынан тогуз адам мерт кетти

© Sputnik / Юрий Лашов / Медиабанкка өтүүТез жардам автоунаасы. Архив
Тез жардам автоунаасы. Архив - Sputnik Кыргызстан
Жазылуу
Жеңил машинанын ичинде эрежеге каршы тогуз адамды салып алышкан. Ал маңдайынан чыккан FAW жүк ташуучу унаа менен сүзүшкөн.

БИШКЕК, 25-июль — Sputnik. Казакстандын Алма-Ата облусундагы Талгар шаарынын жанынан жеңил машина жүк ташуучу унаа менен кагышуусунан тогуз адам каза болуп, экөө ооруканага жеткирилгенин аймактын ички иштер департаментинин маалымат кызматы кабарлайт.

Билдирүүгө ылайык, жол кырсыгы ишемби күнү таңкы саат 4тө, Талгардан төрт чакырым алыстыкта болгон. 

"Эреже бузуп, ичине тогуз жүргүнчү салган Mitsubishi Lancer унаасы карама-каршы тилкеге чыгып, FAW жүк ташуучу унаа менен сүзүшкөн. Кырсыкnsy кесепетинен Mitsubishi Lancer унаасынын айдоочусу менен кошо тогуз адам окуя болгон жерде каза болгон", — деп айтылат билдирүүдө.

Жеңил машинанын бир жүргүнчүсү жана жүк ташуучу унаанын айдоочусу менен жүргүнчүсү Талгардын райондук ооруканасына жеткирилди.

Учурда сотко чейинки иликтөө иштери жүрүп жатат.

Жаңылыктар түрмөгү
0