Акиташты мыйзамсыз казган ишкананын үстүнөн кылмыш иши козголду

© Sputnik / Константин Чалабов / Медиабанкка өтүүАкиташ заводу. Архив
Акиташ заводу. Архив - Sputnik Кыргызстан
Жазылуу
Регионалдык экология жана техникалык коопсуздук мамлекеттик кызматы кенди жыл ичинде эки жолу текшерүүгө алып, бирок кен казуунун мыйзамсыздыгын каттаган эмес.

БИШКЕК, 8-июль — Sputnik. Коррупцияга каршы кызмат өкмөткө караштуу Экология жана техникалык коопсуздук мамлекеттик кызматынын ишинде бир катар мыйзам бузууларды ачыкка чыгарганын УКМКнын маалымат кызматы билдирет.

Акча. Архив - Sputnik Кыргызстан
Чет элдиктер уюлдук байланыш компаниясынын 25 млн. сомдук трафигин уурдады деп шектелүүдө
Ысык-Көл облусунун "Молтой" кенинде "Темирлан Наусс" ишканасы 2013-жылдан бери мыйзамсыз акиташ казып келген. Аймактык экология жана  коопсуздук техникасы боюнча мамлекеттик кызмат кенди жыл ичинде эки жолу текшерүүгө алып, бирок кен казуунун мыйзамсыздыгын каттаган эмес. 

Мындан улам "Темирлан Наусс" ишканасы 86 миң 376 тонна акиташты мыйзамсыз казып, айлана-чөйрөгө терс таасир тийгизген. 

Аталган факт боюнча Коррупцияга каршы кызмат тарабынан Аймактык экология жана  коопсуздук техникасы боюнча мамлекеттик  кызматынын үстүнөн Кылмыш жаза кодексинин 304-беренеси (Кызмат абалынан кыянаттык менен пайдалануу), ал эми "Темирлан Наусс" ишканасына карата 180-беренеси (Мыйзамсыз ишкердик) боюнча кылмыш иши козголду.

Учурда тергөө иштери жүрүп жатат.

Жаңылыктар түрмөгү
0