Самаковду Октябрь райондук соту 2 ай үй камагына алууга чечим чыгарды

© Фото / пресс-служба ЖК КРДепутат ЖК КР Карганбек Самаков в пресс-зале ЖК
Депутат ЖК КР Карганбек Самаков в пресс-зале ЖК - Sputnik Кыргызстан
Жазылуу
ЖКнын депутаты Карганбек Самаков соттун чечими менен эки ай үй камагына алынды.

БИШКЕК, 17-май — Sputnik. 15-майда камакка алынган депутат Карганбек Самаковдун баш коргоо чарасы боюнча караган Бишкек шаарынын Октябрь райондук соту аны 2 ай үй камагына алууга чечим чыгарды. 

Сотто Абир Шагивалиев төрагалык кылды. Самаков буга чейин соттолбогондуктан жана Жогорку Кеңештин депутаты болгондуктан үй камагына чыгаруу чечимин кабыл алган. Сот ошондой эле, Самаков убактылуу кармоо жайына алынып келгенде, кан басымы 220га 120 болгонун аныктаган УКМКнын медициналык кызматынын маалымкатына таянган. Андан сырткары Жогорку Кеңештин сегиз депутаты Самаков чыгарылсын деген сунушка кол коюп беришкени кабарланууда.

Уюлдук телефондор жана сим-карталар. Архив - Sputnik Кыргызстан
Сот Самаковго телефон менен сүйлөшүүгө да тыюу салды
Карганбек Самаков Аламүдүн районунун Кара-Жыгач, Байтик жана Лебединовка айыл өкмөттөрүнө караштуу 262 гектар жерди мыйзамсыз менчиктеп алган деген шек менен 15-майда кармалган. Ага Кылмыш Жаза кодексинин 303-беренеси (Коррупция) боюнча кылмыш иш козголуп, УКМКнын убактылуу тергөө абагына камалган. Эл өкүлүнө кармалгандан тартып, 48 саат өткөнгө чейин баш коргоо чарасы каралышы керек. Анын мөөнөтү жекшембинин, 17-майдын кечинде бүтмөк.

Самаков Жогорку Кеңештин IV чакырылышына "Ата Мекен" саясий партиясынын тизмеси боюнча депутат болуп келген. Бирок, ал 2014-жылдын аягында андан чыгып, өзүнүн партиясын түптөгөндүгүн айткан. 

Ал КМШ Парламент аралык Ассамблеясынын (ПАА) Саясий маселелер жана эл аралык кызматташуу боюнча туруктуу комиссиясынын төрагасынын орун басары. ЮНЕСКО иштери боюнча улуттук комиссиянын төрагасынын орун басары. 

Жаңылыктар түрмөгү
0