Анапияевди өлтүргөн деп шектелген адам Минскте кармалды — Загибаев

© Sputnik / Ажар АлапаеваКайрат Загибаев
Кайрат Загибаев - Sputnik Кыргызстан
Жазылуу
Белоруссиянын Ички иштер министрлиги Анапияевдин өлтүргөн деп шектелүүчү Айбек Абдразаковду кармады. Аны окуянын күбөсү милицияда көрсөтмө берип жатып атаган.

БИШКЕК, 26-фев — Sputnik. Минскте өлкөнүн ИИМ Алмамбет Анапияевди өлтүргөн деп шектелүүчү Айбек Абдразаковду кармады деп билдирди окуяга күбө болгондун адвокаты Кайрат Загибаев.

Анын айтымында, УКТнын мүчөсүн өлтүрүүгө күбө болгон Гүлжигит Абдилазизов Анапияев өз үйүндө өлтүрүлгөн түнү Айбек Абдразаковду көргөн.

Анапияевдин өлүмүнө күбө адам ИИМнын коргоосунда деп билдирди адвокат
Азыр Белоруссиянын Ички иштер министрлиги тергөө жүргүзүп жатат жана киши өлтүрүү факты боюнча көрсөтмө берүү үчүн Гүлжигит Абдилазизовду тапшырууну талап кылышы мүмкүн деп билдирди адвокат. Сөзүнүн аягында ал Анапияевди өлтүргөн кайсы бир күчтөр аны Абдилазизов өлтүрдү деп Белоруссиянын полициясына жалган маалымат берип жатат деди.

Колу-буту байланган эркек кишинин жансыз денеси 18-февралда Минсктин Карл Либкнехт көчөсүндө автоунаанын багаж бөлүгүнөн табылган. Беларуссияга келген туугандары өлгөн адам эл аралык издөө жарыяланган Анапияев экендигин таанышкан. 

Кыргызстандын Ички иштер министрлигинен маалымат булагы Анапияевди өлтүргөндүк үчүн эки шектелүүчү кармалгандыгын билдирген. Бул окуя боюнча күбө катары өтүп жаткан Абилазизов өлтүрүүчү деп божомолдонгондорду милицияда тааныды.

Жаңылыктар түрмөгү
0