Анапияевди өлтүрүүгө шектелген эки киши кармалды

© Sputnik / Сергей Венявский / Медиабанкка өтүүБорьба с преступностью
Борьба с преступностью - Sputnik Кыргызстан
Жазылуу
Минскиге Анапияев менен кошо барып, анын өлүмүнө шектелип жаткан эң жакын адамдарынын бирин ИИМ кечээ таңда "Манас" аба майданынан кармады.

Страница сайта Интерпола - Sputnik Кыргызстан
Минск шаарында өлтүрүлгөн жаран Алмамбет Анапияев экендиги тастыкталды
БИШКЕК, 25-фев — Sputnik. Белоруссияда киши колдуу болуп өлтүрүлгөн Алмамбет Анпаияевге кол салгандар боюнча жаңы маалыматтар пайда болууда. Аны өлтүргөнгө шектүү делген эки адам кармалды. Бул туурасында ИИМден билдиришти. 

Анапияевдин жактоочусу аны өлтүрүүгө катыштыгы бар деп, жанында эң жакын адамдарынын бири болуп жүргөн кишинин кармалгандыгын билдирди.  

"Аны Бишкектен ИИМдин Уюшкан кылмыштуулукка каршы күрөшүү башкармалыгынын кызматкерлери кармашкан. Учурда ал шектүү адам катары же күбө катары суралып жатабы так айта албайм, бирок, суракта. Шектелген киши Анапияев менен бирге Белоруссияга учуп барып, ал жактан жок болуп кеткен",  — деп билдирди Sputnik маалымат сайтына анын жактоочусу Данияр Маманов.

Шектелип, учурда сурак берип жаткан ал адам Казань шаарынан кечээ учуп келгенде кармалган.

"Ал Казань шаарынан 24-февралда таңкы 3:30дагы рейс менен учуп келгенде, ИИМ кызматкерлери Манас эл аралык аба майданынан кармашты",  — деп билдирди аталган аэропорттогу өздүк булактар Sputnik маалымат сайтына.

Минск шаарынан криминалдык авторитет Анапияевдин сөөгү  2015-жылдын 18-февраль күнү Белоруссиянын укук коргоо органдары Либкнехт көчөсүнөн "Мерседес" үлгүсүндөгү автоунаанын багажынан табылган. Өлүктүн жанынан Шакиров Алмазбек Мийзамович деген жаранга берилген Россиянын паспорту табылган. Белоруссияга учуп барган туугандары өлүк Анапияевдики экендигин тааныган. 

2011-жылы Анапияевге Кылмыш жаза кодексинин "Тоноочулук", "Адам уурдоо" жана "Мыйзамсыз эркинен ажыратуу" беренелери боюнча сыртынан кылмыш иши козголгон. Бишкек шаардык Биринчи Май райондук соту аны камакка алуу өкүмүн чыгарып, ага издөө жарыяланган.

Жаңылыктар түрмөгү
0