05:27 25 Бугу 2017
Түз эфир
Национальный парк Ала-Арча Киргизия путешествие горы

ӨКМ: Кыргызстанда кооптуулук жараткан бир топ көлдөр бар

© Фото / Ирина Черкасова
Окуялар
Кыскача шилтеме алуу
18 0 0

Өзгөчө кырдаалдар министрлиги Кыргызстандын 300гө чукул тоо көлдөрүн изилдеп, анын ичинен 29 көлдү кооптуу деп тапкан. Бул туурасында аталган министрликтин басма сөз кызматы кабарлады.

БИШКЕК, 5 ноя  Спутник Кыргызстан. ӨКМдин кызматкерлери тиешелүү ведомстволордун, институттардын адистерине кошулуп тик учак менен Кыргыз, Алай жана Талас тоо кыркаларынын өрөөндөрүндөгү, Күңгөй жана Тескей Ала-Тоодогу жана Нарын дарыясынын өрөөнүнүн жогору жагындагы бийик тоолуу көлдөрдү изилдешкен. Жыйынтыгында, Талас облусунда — 1; Чүйдө — 8; Ысык-Көлдө — 8; Нарын облусунун аймактарынын изилденген бөлүгүндө — 5; Ошто — 5 көл жана Баткен облусунда — 2 көл кооптуу деп табылган. Илимий тил менен айтканда, бул 29 көлгө 1чи жана 2-даражадагы жырылып кетүү коркунучу бар деген аныктама берилген.

Кыргызстанда биринчи жолу сифондук ыкма колдонулуп, Адыгене мөңгү-көлүнүн коркунучу азайтылды.

"Керектүү жабдуулар орнотулуп, көлдүн деңгээли 1,3 метр төмөндөгөндөн кийин көлдөн агып чыккан суу токтоду", – деп айтылат министрликтин маалыматында.

Буга чейин да тоо сууларынын нугунан чыгып кеткендиги туурасында маалыматтар таралып, коомчулукта дүрбөлөң жаралган учурлар болгон. Тактап айтканда, 2012-жылдын июль айында Бишкек шаарынын түштүк-чыгыш тарабында жайгашкан Ала-Арча дарыясынын нугу кескин түрдө көтөрүлгөндүктөн, шаардыктар арасында "көл жырылып кетти" деген имиштер тарап кеткен. Абалга мониторинг жүргүзүү үчүн ӨКМдин ыкчам тобу барып, жеринен маалымат берип элди тынчтандырган.

Белгилер:
Көл, Тоо, ӨКМ

ЭҢ МААНИЛҮҮ

  • Дарыканада кезекте турган адамдар. Архив

    Бахила сатып алууга мажбурлоо менен медициналык мекемелер 100 миңге чукул каражат табарын көпчүлүк этибарга албаса керек. А бирок, ооруканаларга баш баккандардан акча өндүрүүгө министр тыюу салган. Биздин колумнист жана кабарчыбыз Максат Элебесов бул көрүнүшкө көз жуумп кое албастан, иликтеп чыккан.

    528
  • Жогорку Кеңештин депутаты жана мурдагы журналист Каныбек Иманалиев НТС каналынын Кайгуул ТВ программасынын алып баруучусу, журналист, Азият Жекшеевден интервью алды.

    Биз окурмандарга башкача өңүттөгү маектерди тартуулоого ниеттендик. Бул рубрикабызда интервьюну журналисттер эмес, алардан саясатчылар алат. Төмөндө Жогорку Кеңештин депутаты жана мурдагы журналист Каныбек Иманалиевге НТС каналынын "Кайгуул ТВ" программасынын алып баруучусу, журналист, Азият Жекшеев интервью берди.

    1525
  • Республикалык кан борборунун жетекчисинин орун басары Айганыш Сатыбалдиева

    Кырсык менен оору айтпай келет. Өлүм алдында жаткан адамга жардам берүүнүн жолу ар түрдүү. Маселен, сенин тамырыңда айланып жаткан кан башка бирөөнүн жүрөгүнө жетиши мүмкүн. Донорлуктун жол-жобосу тууралуу журналист Гүлдана Талантбекова билип көрдү.

    276