Жапаров Мишустинге жолугуп, “жакыр” өлкө синдромунан баш тартып жатканын айтты
00:12 19.11.2021 (Жаңыртылды: 14:27 14.12.2021)
© Пресс-служба правительства / Алишер Алиев
Жазылуу
Өкмөт башчы Кыргызстан үчүн Россиянын салык жана бажы процедураларын фискалдаштыруудагы тажрыйбасы абдан маанилүү экенин айткан.
БИШКЕК, 19-ноя. — Sputnik. Министрлер кабинетинин төрагасы Акылбек Жапаров Евразиялык өкмөттөр аралык кеңешинин алкагында Россия өкмөтүнүн төрагасы Михаил Мишустин менен жолугушту. Бул туурасында өкмөттүн маалымат кызматы билдирди.
1/3
© Пресс-служба правительства / Алишер Алиев
Министрлер кабинетинин төрагасы Акылбек Жапаров Евразиялык өкмөттөр аралык кеңешинин алкагында Россия өкмөтүнүн төрагасы Михаил Мишустин менен жолугушту
2/3
© Пресс-служба правительства / Алишер Алиев
Тараптар салык жана бажы органдарынын ишин санариптештирүү, анын ичинде салык башкаруу тутумун техникалык жана программалык өнүктүрүү боюнча маселени талкуулашкан
3/3
© Пресс-служба правительства / Алишер Алиев
Ошондой эле гуманитардык тармактагы эки тараптуу мамилелерди чыңдоонун маанилүүлугү белгиленген
1/3
© Пресс-служба правительства / Алишер Алиев
Министрлер кабинетинин төрагасы Акылбек Жапаров Евразиялык өкмөттөр аралык кеңешинин алкагында Россия өкмөтүнүн төрагасы Михаил Мишустин менен жолугушту
2/3
© Пресс-служба правительства / Алишер Алиев
Тараптар салык жана бажы органдарынын ишин санариптештирүү, анын ичинде салык башкаруу тутумун техникалык жана программалык өнүктүрүү боюнча маселени талкуулашкан
3/3
© Пресс-служба правительства / Алишер Алиев
Ошондой эле гуманитардык тармактагы эки тараптуу мамилелерди чыңдоонун маанилүүлугү белгиленген
Тараптар салык жана бажы органдарынын ишин санариптештирүү, анын ичинде салык башкаруу тутумун техникалык жана программалык өнүктүрүү боюнча маселени талкуулашкан.
“Биз “жакыр” өлкө синдромунан баш тартуудабыз жана колдогу бардык жеке ресурстарды пайдаланууга умтулабыз. Биз үчүн Россиянын салык жана бажы процедураларын фискалдаштыруудагы тажрыйбасы абдан маанилүү. Жакын арада бюджеттин киреше бөлүгүн салык жана бажы башкаруу тутумун толук санариптештирүү жолу менен жогорулатууну көздөп жатабыз”, — деди Жапаров.
Ошондой эле гуманитардык тармактагы эки тараптуу мамилелерди чыңдоонун маанилүүлугү белгиленген. Атап айтканда, 2019-жылдан бери ийгиликтүү ишке ашырылып келе жаткан “Чет жердеги Россиялык мугалим” долбоору жана өлкөдө 2022-жылдан тарта 9 жалпы билим берүүчү уюмдардын курулушу талкууланган.
“Россия анын аймагында жүргөн Кыргызстан жарандарына алдыдагы парламенттик шайлоодо добуш берүүсү үчүн шайлоо участокторун уюштурууга көмөк көрсөтүүгө даяр экендигин билдирди. Ошондой эле кыргыз тарапка Бишкек, Ош шаарлары жана Ысык-Көл облусу менен аба каттамынын кайра жанданышы тууралуу маалымат берди”, — деп жазылган пресс-релизде.
Мындан тышкары, өкмөт башчылар соода-экономикалык, илимий-техникалык жана гуманитардык кызматташтык боюнча өкмөттөр аралык комиссиясынын алкагындагы биргелешкен ишти жана Россия-Кыргыз өнүктүрүү фондунун ишин активдештирүү маселесин ортого салышкан.
