00:19 19 Тогуздун айы 2021
Түз эфир
  • USD84.7961
  • EUR98.2024
  • RUB1.1914
Экономика
Кыскача шилтеме алуу
50 0 0

Мыйзам долбоорунда салыктык карыздардын негизги суммасын 2022-жылдын 1-июлуна чейин төлөсө айып пул жана туумдардан бошотуу каралган.

БИШКЕК, 7-июл. — Sputnik. Салыктык жана социалдык фонддун төгүмдөрү боюнча карызы бар ишкерлерге жеңилдик берүү мөөнөтүн дагы бир жылга узартуу сунушталды.

Аталган демилге бүгүн Жогорку Кеңеште биринчи окууда каралды.

Белгилей кетсек, буга чейин пандемияга байланыштуу эгер ишкерлер салыктык жана социалдык фонддун төгүмдөрүнүн негизги суммасын 2021-жылдын 1-июлуна чейин төлөсө туум жана айып пулдан толугу менен бошотуу мыйзамы кабыл алынган. Ал эми декабрга чейин төлөсө 50 пайыздык жеңилдик берилет.

2020-жылдын 1-июлуна чейинки социалдык фондго болгон бардык карызына, ал эми салык боюнча алты жылдык карызына жогорудагыдай жеңилдик берүү каралган.

Экономика жана финансы министринин орун басары Бекболот Алиев пандемия шартынан улам жеңилдик берүү мөөнөтүн дагы бир жылга узартуу сунушталганын билдирди.

Тема боюнча

Салык кызматы бир катар салыктарды төлөөнүн мөөнөтү жакындаганын эскертти
Белгилер:
салык, жеңилдик, ишкер, Жогорку Кеңеш, Социалдык фонд

ЭҢ МААНИЛҮҮ