Открытие редакционного центра Sputnik Кыргызстан в Бишкеке - Sputnik Кыргызстан, 1920, 20.12.2021
Пресс-борбор

Электр энергиянын тарифин 1-сентябрдан тарта кымбаттатуу пландалууда

© Sputnik / Табылды КадырбековЛампочка жана акча. Иллюстративдик сүрөт
Лампочка жана акча. Иллюстративдик сүрөт - Sputnik Кыргызстан, 1920, 06.07.2021
Жазылуу
Алгач абоненттерди категорияга бөлүү сунушталып, бирок кийинчерээк элдин бардык катмары үчүн бирдей тариф киргизүү каралган.
БИШКЕК, 6-июл. — Sputnik. Кыргызстанда электр кубатына болгон жаңы тарифтер 1-сентябрдан коюлуп башташы мүмкүн. Бул тууралуу Отун энергетикалык комплекси боюнча мамлекеттик агенттиктин директорунун орун басары Миргүл Айдарова Sputnik Кыргызстандын маалымат борборундагы брифингде айтты.
"Азыр бир аз кечигип жатабыз. Эгерде 15-июлда коомдук талкуу аяктай турган болсо (Министрлер кабинетинин "Кыргыз Республикасынын 2021-2025-жылдарга карата электр энергиясына орто мөөнөттүү тарифтик саясатын бекитүү жөнүндө" токтомунун долбоору – ред.), аны өкмөткө алып барып, бардык министрлик жана ведомстволор менен макулдашуу үчүн бир ай керектелет. Ошондо гана 15-августта министрлер кабинетинин токтомун күтөбүз. Документти өтүп кеткен (арткы) число менен киргизе албайбыз да, 1-сентябрдан (тарифтерди кымбаттатуу – ред.) баштайбыз деп пландап жатабыз", — деди Айдарова.
Электр линиялары. Архив - Sputnik Кыргызстан, 1920, 29.06.2021
Жаңы тариф киргизүүнү токтото туралы. Депутаттардын сунушу
Эске салсак, апрель айында президент Садыр Жапаров электр энергиясынын тарифин өзгөртүү сунушун айткан. Бийлик алгач абоненттерди категорияларга бөлүүгө ниеттенип, бирок кийинчерээк киловатт саатына 1,09 сомдон болсун деп бирдиктүү тарифти сунуштаган.
Эске салсак, Жогорку Кеңештин депутаттар тобу министрлер кабинетинин төрагасы Улукбек Мариповго электр кубаты менен жылуулукка жаңы тарифтерди киргизүүнү токтото турууну сунуштап кат жөнөткөн.
Анда депутаттар өлкөнүн электр энергия системасынын абалын көрүп тургандыктарын айтып, тарифтерди көтөрүү социалдык жарылууга жана ири компаниялардын жабылышына алып келет деп эскертишкен.
Жаңылыктар түрмөгү
0