19:34 17 Аяк оона 2021
Түз эфир
  • USD84.7772
  • EUR99.8421
  • RUB1.1684
Экономика
Кыскача шилтеме алуу
ЕАЭБдеги Кыргызстан (296)
210 0 0

Кыргызстандан Россияга экспорттолчу товарлардын айрым түрлөрүн маркалоо башталды. Мамлекеттик салык кызматы маркалоо кодун алуунун жол-жобосун түшүндүрдү.

БИШКЕК, 25-май — Sputnik. Кыргызстанда жеңил өнөр жайынын бир катар продукцияларын Россияга экспорттоочуларга маркалоо коддору бериле баштады. Бул тууралуу Мамлекеттик салык кызматынан билдиришти.

"Мамлекттик салык кызматы менен товарларды маркалоонун улуттук системасынын оператору "Альфа Телеком" 20-майдан тарта жеңил өнөр жай товарларынын айрым түрлөрүн Россияга экспорттоочуларга маркалоо коддорун берүүгө киришти. Маркалоо коддору Россиянын маалыматтык системасы аркылуу жүргүзүлүп, операторлор аралык алмашуунун алкагында "Альфа Телекомго" берилет", — деп айтылат билдирүүдө.

Ишкерлер коддорду алуу үчүн алгач GS1 Kyrgyzstan предметтик нумерациялоо ассоциациясына кирүүсү зарыл. Андан кийин гана "Альфа Телеком" ишканасы менен өндүрүүчүнүн (же экспортер) ортосунда келишим түзүлөт. Анын негизинде код заказ кылып, товарга басып берүү жана жүктөө боюнча системага кирүүгө мүмкүнчүлүк түзүлөт.

Россияга экспорттоодо төмөнкү өнөр жай товарлары маркаланууга тийиш:

  • кийим-кече, анын ичинде табигый же курама булгаарыдан жасалгандар;
  • кыз-келиндер үчүн машинага же колго токулган жеңил кийимдер;
  • пальто, кыска пальто, накидкалар, плащтар, курткалар (анын ичинде лыжа тебүү үчүн), ветровкалар, штормовкалар жана ошол сыяктуу эркектердин жана аялдардын буюмдары;
  • төшөк, ашкана жана даараткана буюмдары.

"Альфа Телеком" ишканасы менен келишим түзүү үчүн төмөнкү даректер боюнча тейлөө борборлоруна кайрылууга болот.

Бишкек шаарында:

  • Чыгыш-5 кичи району, Чүй проспекти, 32/б үйү, "Изумруд" соода борборунун жанында;
  • Кожевенная көчөсү, "Дордой" базары, 15-өтмөк, №60-61 контейнер ("Мир обуви");
  • Чүй проспекти, 204, "Берекет Гранд", 0-кабат;
  • Айтматов проспекти, 3, Asia Mall, 0-кабат.

Ош облусунда:

  • Ош шаарында Масалиев проспекти, 2 (Каныкейдин эстелиги);
  • Кара-Суу шаарында Бакиев көчөсү (К. Жакыпов атындагы мектеп-интернаты).

Товарларды маркалоо боюнча кошумча маалыматты "Текшер" системасынын расмий сайтынан, ошондой эле акысыз 116 жана 0 999 333 999 номерлерине чалуу аркылуу Салык кызматынын маалымат борборунан алууга болот.

Тема:
ЕАЭБдеги Кыргызстан (296)

Тема боюнча

Кыргызстанда тигүүчүлөрдү колдоо үчүн ири индустриалдык парк ачылат. Сүрөт
Белгилер:
Кыргызстан, Евразиялык экономикалык биримдик, товар, маркалоо

ЭҢ МААНИЛҮҮ