Жапаров ЕАЭБ өлкөлөрүн эсеп-кысапта улуттук валюталарды колдонууга үндөдү

© Пресс-служба президента КР / Султан ДосалиевКыргызстандын президенти Садыр Жапаров. Архивное фото
Кыргызстандын президенти Садыр Жапаров. Архивное фото - Sputnik Кыргызстан, 1920, 21.05.2021
Жазылуу
Президент өз ара эсептешүүлөрдө улуттук валюталарды жигердүү колдонуу менен валюта чөйрөсүндөгү кызматташтыкты тереңдетүүгө басым жасоону сунуш кылды.
БИШКЕК, 21-май — Sputnik. ЕАЭБ өлкөлөрү өз ара эсеп-кысапта улуттук валюталарды активдүү пайдаланышы керек. Мындай пикирин президент Садыр Жапаров Жогорку Евразиялык экономикалык кеңештин отурумунда билдирди.
Ал белгилегендей, жалпы каржы рыногун жандандыруу багытында иш алып баруу зарыл. Өткөн жыл каржы рыногунда өз ара кызматташууну жеңилдетүү керектигин көрсөттү.
"Улуттук валюталардын курсунун түшүп кетиши тышкы инфляция менен катар жалпы суроо-талаптын төмөндөшүнө карабастан бүтүндөй союз боюнча керектөө баасынын өсүшүнө алып келди", — деген Жапаров.
Казакстандын президенти Касым-Жомарт Токаев. Архив - Sputnik Кыргызстан, 1920, 21.05.2021
Токаев ЕАЭБ алкагындагы кооперациянын айкын мисалын келтирди
Ал өз ара эсептешүүлөрдө улуттук валюталарды жигердүү колдонуу менен валюта чөйрөсүндөгү кызматташтыкты тереңдетүүгө басым жасоону сунуш кылды.
"Бул үчүн тышкы инфляциянын "азык-түлүк куржунундагы" товарларга болгон таасирин теңдештирүү менен катар биримдикке мүчө-мамлекеттердин улуттук валюталарында соода-финансылык операцияларды жүргүзүүнү камтыган натыйжалуу механизмди ойлоп табуу сунушталат", — деп белгиледи президент.
Ошондой эле ал улуттук төлөм тутумдарын колдонуп жана интеграциялоо менен бирдиктүү төлөм мейкиндигин тез арада түзүү керектигин кошумчалады.
Жаңылыктар түрмөгү
0