Кыргызстанда төрт соода-логистикалык борбор куруу пландалууда

© Sputnik / Табылды КадырбековЛогистикалык борбор. Архив
Логистикалык борбор. Архив - Sputnik Кыргызстан, 1920, 23.04.2021
Жазылуу
Кыргызстан коңшу мамлекеттер Казакстан жана Өзбекстан менен соода-логистикалык борбор курууну макулдашты.
БИШКЕК, 23-апр. — Sputnik. Кыргызстан менен Казакстан төрт соода-логистикалык борбор курууга макулдашты. Мындан тышкары, Өзбекстан менен дагы келишим бар. Бул тууралуу айыл чарба министри Аскар Жаныбеков билдирди.
Sputnik Кыргызстан агенттигинин мультимедиалык маалымат борборунда өткөн брифингде министр жакында эле өткөн кыргыз-казак өкмөттөр аралык комиссиясынын жыйынында соода-логистикалык борборлор боюнча маселе талкууланганын билдирди.
"Негизи биз макулдаштык. Казак тарап каржылоого даяр. Учурда шарттарын талкуулап жатабыз. Товарларды Казакстанга экспорттоо үчүн жана транзит менен алып өтүү максатында Чүй облусунда үч борбор ачылат. Ал эми төртүнчүсү Ысык-Көлгө курулат", — деди Жаныбеков.
Министр президент Садыр Жапаров Өзбекстанга барганда Кыргызстандын аймагына соода-логистикалык борбор курууну сүйлөшүп келгенин дагы эске салды. Курулуш ишин өзбек тарап каржыламай болгон. Жаныбеков Өзбекстан менен биргеликте канча борбор куруларын тактаган жок.
Жаңылыктар түрмөгү
0