Министр күйүүчү майдын баасын ооздуктоочу эки кадамды атады

© Sputnik / Виталий Аньков / Медиабанкка өтүүКүйүүчү май куйуучу станция. Архив
Күйүүчү май куйуучу станция. Архив - Sputnik Кыргызстан, 1920, 24.03.2021
Жазылуу
Министр жогоруда белгиленген эки кадам жакынкы күндөрү таасир этип, бааны туруктуу кармап калса болорун кошумчалады.
БИШКЕК, 24-мар. — Sputnik. Энергетика жана өнөр жай министри Кубанычбек Турдубаев Кыргызстанда күйүүчү майдын баасын ооздуктоочу эки негизги кадамды атады.
Учурда Жогорку Кеңештин депутаттары мунайдын баасы өскөнүнө байланыштуу өкмөттүн маалыматын угуп жатат.
"Кыргызстандын күйүүчү майга жылдык керектөөсү 1 миллион 300 миң тонна. Ал эми "Кыргыз мунай газ" ишканасынын мунай өндүрүү мүмкүнчүлүгү азыркы учурда 240 миң тонна. Анын 90 миң тоннасы экспортко чыгып жаткан. Биринчи кадам менен азыр чек араларды жаап, бүт баарын ички рынокко жумшап жатабыз. Экинчиси, "Кыргыз мунай газга" өндүрүүнүн көлөмүн көбөйтүп, 280 миң тоннага чыгаруу талабын койдук. Андан ары дагы көбөйткөнгө аракет кылабыз", — деди Турдубаев.
Министр жогоруда белгиленген эки кадам жакынкы күндөрү таасир этип, бааны туруктуу кармап калса болорун кошумчалады.
Жаңылыктар түрмөгү
0