Бензиндин баасы 50 сомго чыгышы толук ыктымал. Нефтетрейдерлердин божомолу

© Sputnik / Константин Михальчевский / Медиабанкка өтүүМай куюучу жай. Архив
Май куюучу жай. Архив - Sputnik Кыргызстан, 1920, 23.03.2021
Жазылуу
Нефтетрейдерлердин айтымында, келерки кымбаттоо марттын аягына, апрелдин башына туура келиши мүмкүн. Андан ары прогноз кылуу татаал.
БИШКЕК, 23-мар. — Sputnik. Бензиндин баасы жакын арада дагы 3-4 сомго кымбаттайт. Бул тууралуу КР Нефтетрейдерлер ассоциациясынан билдиришти.
Маалыматка караганда, кымбаттоого бир топ факторлор себеп болууда. Алардын арасында нефтке болгон баанын дүйнө жүзү боюнча көтөрүлүшү дагы бар.
“Кымбаттоого россиялык заводдордогу дуң баанын көтөрүлгөнү дагы себеп болууда. Тагыраагы, бир литр бензиндин 50 сом болушу кадыресе көрүнүш болгону турат. Келерки кымбаттоо марттын аягына, апрелдин башына туура келиши мүмкүн”, — дешти ассоциациядан.
Уюмдан билдиришкендей, мындан узагыраак убакытка прогноз кылуу мүмкүн эмес. Анткени дүйнөлүк рынокто нефть казып алуунун көлөмү азайган сайын баалар тездик менен өзгөрүп жатат.
Энергетика жана өнөр жай министринин орун басары Вероника Исаева бааларды турукташтыруу максатындагы аракеттердин бири катары чийки нефтини Кыргызстандан сыртка чыгарууга тыюу салынганын айтты.
© Фото / пресс-служба ГКПЭНЭнергетика жана өнөр жай министринин орун басары Вероника Исаева
Назначенная заместителем председателя Госкомитета промышленности и недропользования КР Вероника Исаева - Sputnik Кыргызстан, 1920, 16.12.2021
Энергетика жана өнөр жай министринин орун басары Вероника Исаева
"Бүгүн Кыргызстандагы нефтини кайра иштетүүчү заводдор 30 пайызга гана иштеп жатат жана алардын кубаттуулугу өлкөнү АИ-80 үлгүсүндөгү бензин менен камсыздоого гана жетет. Башка түрлөрүн импорттоп жатабыз. Эгер бир ай ичинде күйүүчү майга баа 20 пайызга кымбаттап кетсе, Монополияга каршы комитет чектөөлөрдү киргизип, бааны бир деңгээлде кармайт”, — деди ал.
Унаанын салону. Архив - Sputnik Кыргызстан, 1920, 17.03.2021
Айдоочулар бензинди кантип үнөмдөсө болот. Эксперттен 7 кеңеш
Эске салсак, АИ-92 бензини бир топ убакыт бою 33,5 сомдон ашкан эмес. Бааны 2020-жылдын февраль айында Россиянын нефть иштетүүчү заводдору түшүрүп койгон.
2021-жылдын декабрь айынан баштап баалар кичинеден өсүп отуруп, 35,6 сомго жеткен. Январь айынын аягында айдоочулар бир литр май үчүн 36,9 сомдон төлөй баштаган. Учурда ал орто эсеп менен 45,5 сом турат.
Жаңылыктар түрмөгү
0