06:00 17 Бугу 2021
Түз эфир
  • USD84.6213
  • EUR102.6076
  • RUB1.1436
Экономика
Кыскача шилтеме алуу
126 0 0

Фонддун башкы кеңсеси Бишкек шаарында жайгашып, экономикалык артыкчылыктуу тармактардагы өзүн-өзү актоочу долбоорлорду каржылайт.

БИШКЕК, 16-мар. – Sputnik. Кыргызстан менен Өзбекстандын өкмөтү өзбек-кыргыз өнүктүрүү фондун түзүү боюнча келишимге кол койду. Бул тууралуу өкмөттөн билдиришти.

Маалыматка караганда, фонддун уставдык капиталы 50 миллион долларды түзөт. Документке президент Садыр Жапаровдун республикага жасаган мамлекеттик сапарынын алкагында кол коюлду.

"Фонд Кыргызстан менен Өзбекстандын экономикалык кызматташуусуна көмөк көрсөтүү, экономиканы модернизациялоо жана өнүктүрүү, мүмкүнчүлүктөрдү натыйжалуу пайдалануу максатында негизделген. Фонддун милдети, функциясы, түзүмү жана иштөө тартиби, ошондой эле анын башкаруу органдарынын компетенциясы жана ыйгарым укугу устав аркылуу аныкталат", — деп айтылат маалыматта.

Фонддун башкы кеңсеси Бишкек шаарында жайгашат.

Фонд Кыргызстандагы экономикалык артыкчылыктуу тармактардагы өзүн-өзү актоочу долбоорлорду, анын ичинде төмөнкү багыттардагы каржылоону ишке ашырат:

  • агроөнөржай комплекси;
  • тигүү жана текстиль өнөр жайы;
  • кайра иштетүү өнөр жайы;
  • тоо-кен өндүрүү жана металлургия өнөр жайы;
  • транспорт;
  • турак-жай курулуш;
  • соода;
  • ишкерликти өнүктүрүү;
  • энергетикалык комплекс;
  • инфраструктураны өнүктүрүү;
  • туризмди өнүктүрүү.

Фонд эл аралык уюмдар, корпорациялар жана өнүктүрүү институттары менен Кыргызстандын аймагындагы долбоорлорду ишке ашыруу максатында иштешет. Ошондой эле Фонд тарабынан колдоого алынган долбоорлорго техникалык көмөк көрсөтүлөт.

Тема боюнча

Үңкүр-Тоо, темир жол, инвестиция. Жапаровдун Өзбекстанга болгон сапарынын жыйынтыгы
Өзбекстандын ЖОЖдоруна КР жарандары үчүн 100 гранттык орун бөлүндү
Белгилер:
каржылоо, өкмөт, фонд, Өзбекстан, Кыргызстан

ЭҢ МААНИЛҮҮ