19:50 04 Баш оона 2020
Түз эфир
  • USD76.9120
  • EUR90.7023
  • RUB1.0481
Экономика
Кыскача шилтеме алуу
39 0 0

Быйыл республикалык бюджеттин киреше бөлүгүнүн 15,4 миллиард сомун мамлекеттик баалуу кагаздар менен толтуруу пландалган.

БИШКЕК, 9-июл. — Sputnik. Үстүбүздөгү жылдын алты айында мамлекеттик баалуу кагаздарды чыгаруудан республика бюджетине 4 миллиард 704 миллион 82 миң сом келип түштү. Бул тууралуу Финансы министрлигинин маалымат кызматы билдирди.

Анын ичинен мамлекеттик казыналык векселдерди жайгаштыруунун эсебинен 991,34 миллион сом алынган. Ал эми мамлекеттик казыналык облигациялардан 3 миллиард 713,48 миллион сом түшкөн.

Баалуу кагаздардан кыргызстандыктар кандай пайда көрсө болот? Түшүндүрмө

Белгилей кетсек, Финансы министрлиги быйыл республикалык бюджеттин киреше бөлүгүнүн 15,4 миллиард сомун мамлекеттик баалуу кагаздар менен толтурууну пландаган.

Мамлекеттик казыналык вексель (МКВ) — кыска мөөнөттүү, пайызсыз (дисконттук) мамлекеттик баалуу кагаздар. Бир вексель 100 сомго барабар. Жүгүртүү мөөнөтү бир айдан 12 айга чейин. Дисконтту жарандар номиналдык наркынан төмөн баада сатып алып, номиналдык наркы боюнча төлөйт. Ушунун эсебинен 4-5 пайыздык киреше түшөт.

Жыл башынан бери мамлекеттик карызды төлөөгө канча акча жумшалды

Мамлекеттик казыналык облигация (МКО) — пайыздык кирешеге (купонго) ээ узак мөөнөттүү (1 жылдан ашык) баалуу кагаздар. Анын кирешелүүлүгү жүгүртүү мөөнөтүнө карап 6-11 пайыздык коюм менен аныкталат.

Тема боюнча

Финансы министрлиги: COVID-19 менен күрөшүүгө 3,8 млрд сом кетет
Белгилер:
бюджет, киреше, баалуу кагаздар, Финансы министрлиги

ЭҢ МААНИЛҮҮ