19:11 04 Кулжа 2020
Түз эфир
  • USD73.9200
  • EUR82.8348
  • RUB1.0711
Экономика
Кыскача шилтеме алуу
Коронавируска байланыштуу Кыргызстандагы кырдаал (1496)
190 0 0

Каржы министри күтүлгөн тобокелчиликтерден улам бул жылы республикалык бюджеттин 85 пайызы гана аткарылышы мүмкүн экенин айтты.

БИШКЕК, 16-мар. — Sputnik. Президент Сооронбай Жээнбеков финансы министри Бактыгүл Жээнбаеваны кабыл алып, акчаны үнөмдүү пайдаланууну тапшырды. Бул тууралуу мамлекет башчынын маалымат кызматы кабарлады. 

Президент Кыргызской Республики Сооронбай Жээнбеков принял министра финансов Кыргызской Республики Бактыгуль Жеенбаеву. 16 марта 2020 года
© Пресс-служба президента КР / Султан Досалиев
Финансы министри Бактыгүл Жээнбаева

Жолугушууда министр күтүлгөн тобокелчиликтерден улам бул жылы республикалык бюджеттин 85 пайызы гана аткарылышы мүмкүн экенин айтты. 2020-жылдын январь–февраль айларынын жыйынтыгында бюджеттин 96 пайызы аткарылган.

Жээнбаеванын билдиргени боюнча, өлкө казынасын колдоо үчүн Дүйнөлүк банк, Азия өнүктүрүү банкы, Эл аралык валюта фонду жана башка эл аралык каржы институттары менен сүйлөшүүлөр жүрүүдө.

"Мамлекет башчы дүйнөдө коронавирустун жайылып жаткандыгына байланыштуу өлкө кооптуулукка даяр болушу керектигин баса белгиледи. Кырдаал дүйнө жүзүндө турукташканга чейин республикалык бюджеттин чыгымдарын үнөмдөө режимине өтүү зарылдыгына токтолду. Бардык мамлекеттик мекемелер артыкчылык берилбеген чыгымын азайтышы керектигин айтты", — деп жазылат маалыматта.

Үнөмдөө өлкөнү санарипке өткөрүү, соттук-укуктук реформа, укук коргоо органдарын, анын ичинде жол жана коомдук коопсуздукту камсыз кылуучу органдарды реформалоо, авариялык мектептерди оңдоп-түзөөнүн алкагындагы иш-чараларга тийиштүү болбойт.

Жээнбеков эмгек акы, жөлөк пул, пенсия жана башка социалдык төлөмдөрдү төлөө боюнча социалдык милдеттенмелер убагында аткарылышы керектигин баса белгилеген.

Тема:
Коронавируска байланыштуу Кыргызстандагы кырдаал (1496)

Тема боюнча

Алматыдагы коронавирус жуктурган 12 жашар кыздын абалы айтылды
Коронавирус жакындады, баарына даяр турушубуз керек! Абылгазиев элге кайрылды
Коронавирус боюнча өкмөттүн брифинги өттү. Видео
Коронавирус вакцинасы сыналчу чычкандар 3 миң доллардан сатылууда
Белгилер:
бюджет, коронавирус, Бактыгүл Жээнбаева, Сооронбай Жээнбеков

ЭҢ МААНИЛҮҮ