20:34 04 Кулжа 2020
Түз эфир
  • USD73.9200
  • EUR82.8348
  • RUB1.0711
Экономика
Кыскача шилтеме алуу
236 0 0

Жарандык авиация агенттигинин директорунун айтымында, учурда Air Kyrgyzstan жана Air Manas компаниялары жаңы өнөктөштөр менен макулдашып жатат.

БИШКЕК, 12-мар. — Sputnik. Жыл соңуна чейин Кыргызстандын ички каттамдарын толук камсыздоо үчүн алты учак алып келинет. Бул туурасында парламенттин жыйынында Жарандык авиация агенттигинин директору Курманбек Акышев билдирди.

Депутат Аалы Карашев андан авиация тармагынын азыркы абалы боюнча сурады. Акышев учурда Air Kyrgyzstan жана Air Manas жаңы өнөктөш компаниялар менен иш алып барып жатканын айтты.

"Air Kyrgyzstan компаниясынын ишин өнүктүрүү боюнча Германиянын Panaf компаниясы премьер-министр менен жолугушуу өткөрүп, меморандумга кол коюлган. Жумушчу топ түзүлүп, ошонун негизинде иш-чаралар жүрүп жатат. Алар жергиликтүү каттамдарды толуктоо боюнча аба кемелери менен камсыздоого милдеттеме алышты. Ал үчүн ATR 72 үлгүсүндөгү эки, Boeing үлгүсүндөгү эки самолет алып келе турган болушту. Тараптар компаниянын акциясына теңме-тең ээлик кылышат", — деди Акышев.

Мындан тышкары, Акышев Air Manas компаниясынын акциясын алган ишкана дагы эки учак алып келерин айтты.

"Түрктөрдүн Pegasus Airlines ишканасы Air Manas компаниясындагы 49 пайыздык үлүшүн AviaTrade Corp. LP. деген ирландиялык компанияга саткан. Инвесторлору келип, иш-чаралар жүрүп жатат. Аларга жергиликтүү каттамдарды тейлөө милдеттемеси коюлган, эки айдын ичинде эки Airbus үлгүсүндөгү учак алып келүүгө аракет кылышууда. Ушул эки авиакомпаниянын учактары жыл соңуна чейин толук кандуу иштеп калат", — деди Жарандык авиация агенттигинин директору.

Мындан шек санаган депутат Аалы Карашев: "Жылдын аягына чейин ишке киришин жоопкерчиликтүү айтып жатасызбы?" - деп кайра сурады. Ага Акышев: "Ооба, жоопкерчиликтүү айтып жатам", - деп жооп узатты.

Белгилей кетсек, Air Manas 1-марттан тарта каттамдарын токтоткон. Учурда ички каттамдарды TezJet менен Avia Traffic авиакомпаниялары гана тейлеп жатат.

Тема боюнча

Президент Жээнбековго Boeing үлгүсүндөгү учак алуу сунушталды
Бир да учагыбыз жок! Бүк түшкөн кыргыз авиациясынын абалы тууралуу арман кеп
Белгилер:
компания, каттам, учак, Авиация

ЭҢ МААНИЛҮҮ