13:06 27 Бугу 2020
Түз эфир
  • USD74.0750
  • EUR81.1788
  • RUB1.0412
Экономика
Кыскача шилтеме алуу
Коронавируска байланыштуу Кыргызстандагы кырдаал (1425)
481 0 0

Социалдык тармактарга Кытайдан товарлар, бери дегенде жабдыктар келе баштаганы боюнча жаза башташты.

БИШКЕК, 4-мар. — Sputnik. Кытайдан келген товарлар үчүн чек ара жабылган эмес. Бул тууралуу Sputnik Кыргызстан агенттигине экономика министринин орун басары Эльдар Алишеров билдирди.

Эксперт Азамат Акелеев болсо өзүнүн Facebook баракчасына "Жакшы кабар. Кытайдан товарлар, бери дегенде жабдыктар келе баштады" деп жазды. Белгилей кетсек, буга чейин кыргыз-кытай чек арасы жабылганы айтылган болчу.

"Чек ара товарлар үчүн жабылган эмес. Мындай имиштер кайдан чыкканын билбейм. Көйгөйдүн негизги себеби — кытайлыктар ишке чыкпай үйлөрүндө отургандыктан товар жөнөтө албай калышкан", — деди Алишеров.

Ал эми "товарлар келе баштадыбы?" деген суроого министрдин орус басары 3-мартка карата байкалбаганын, бирок бүгүн келип түшүшү мүмкүн экенин билдирди. Ал ошондой эле жүктөр бир гана "Торугарт" менен "Эркечтам" аркылуу эмес, Казакстан аркылуу темир жол менен дагы келип турарын эскертти.

Анткен менен Мамлекеттик чек ара кызматы кыргыз-кытай чек арасы жабык экенин маалымдады.

Коронавирус тууралуу

Акыркы маалыматтарга караганда, вирусту дүйнө жүзү боюнча 93 160 адам жуктуруп алды. Алардын ичинен 3 198 киши каза таап, 50 690 киши сакайып кетти.

Кыргызстан Кытай, Түштүк Корея, Япония, Иран жана Италия жарандарына өлкөгө кирүүгө убактылуу чектөө киргизди. Тизме дүйнөдөгү эпидемиологиялык кырдаалга жараша өзгөрүп турат.

 

Тема:
Коронавируска байланыштуу Кыргызстандагы кырдаал (1425)

Тема боюнча

Коронавирус кимдерге коркунуч жаратпайт. Окумуштуулардын пикири
Коронавирус: Кыргызстан запастагы азык-түлүгүнө саресеп салат
Белгилер:
Кытай, жүк, чек ара, Кыргызстан

ЭҢ МААНИЛҮҮ